شوکت حمید
سرینگر //نیشنل کانفرنس صدر ڈاکٹر فاروق عبداللہ نے کل کہا کہ ریاستی درجہ بہت جلد بحال ہوگا۔بخشی سٹیڈیم میں یوم جمہوریہ کی تقریب میں حصہ لینے کے بعد نامہ نگاروں کے ساتھ بات چیت کے دوران ڈاکٹر فارو ق نے کہاکہ یوم جمہوریہ کے موقع پر میں ملک بالخصوص جموں وکشمیر کے عوام کو مبارکباد پیش کرتا ہوں۔انہوں نے کہا کہ’’ہمیں پوری امید ہے کہ ریاستی درجہ جلد بحال ہوگا ۔’انہوں نے مزید کہاکہ جموں وکشمیر کے لوگوں کے مسائل حل کرنے کی خاطر موجودہ سرکار کوشاں ہے اور جتنے بھی وعدئے عوام سے کئے گئے انہیں ہر حال میں پورا کیا جائے گا۔
