ریاستی درجہ بحالی پر جاری بحث ختم ہونی چاہئے لوگوں کو وہ ملنا چاہیے جو وہ مانگ رہے ہیں:عمر

عظمیٰ نیوز سروس

سرینگر// وزیر اعلیٰ عمر عبداللہ نے جمعرات کو کہا کہ مرکز کے زیر انتظام علاقے کو ریاست کا درجہ بحال کرنے کے بارے میں بحث کو جلد مکمل کیا جانا چاہئے تاکہ لوگوں کو وہ مل سکے جو وہ مانگ رہے ہیں۔ یہاں جموں و کشمیر، لداخ این سی سی ڈائریکٹوریٹ کے زیر اہتمام ایک خصوصی قومی یکجہتی کیمپ کے موقع پر نامہ نگاروں سے بات کرتے ہوئے عبداللہ نے مرکز کے زیر انتظام علاقے کے لیے کئی پروجیکٹوں کی منظوری کی بھی ستائش کی۔ انہوں نے کہا کہ بات چیت ہونے دیں، یہ اچھی بات ہے۔سرنگوں سمیت جموں و کشمیرکیلئے10,600کروڑ روپے کے پروجیکٹوں کی منظوری کا خیرمقدم کرتے ہوئے، وزیر اعلیٰ نے کہا کہ ان اقدامات سے مرکز کے زیر انتظام علاقے کو زبردست فروغ ملے گا۔”مغل روڈ ٹنل کا مطالبہ کافی عرصے سے کیا جا رہا تھا، چونکہ یہ سڑک 2008-09 میں مکمل ہوئی تھی۔ لوگ چاہتے تھے کہ سڑک سال بھر کھلی رہے، اسی طرح ٹنگڈار کو جوڑنے کے لیے سادھنا پاس پر سرنگ کی طویل عرصے سے مانگ تھی جسے منظور کر لیا گیا ہے۔وزیر اعلیٰ نے کہا کہ “بہت سے دوسرے پروجیکٹوں کو منظوری دی گئی ہے” ۔انہوں نے مزید کہا کہ 10,600 کروڑ روپے کوئی معمولی رقم نہیں ہے۔ انہوں نے کہا، “اب، ہمیں کچھ اور سرنگوں کے لیے کوشش کرنی پڑے گی، جیسے گریز کی، جو چھوڑ دی گئی ہیں۔”پہلگام میں 22 اپریل کو ہوئے حملے کا حوالہ دیتے ہوئے وزیر اعلیٰ نے کہا کہ اس سال “ہمارے لیے درد لایا ہے جس کی ہمیں امید نہیں تھی کہ دوبارہ کبھی تجربہ نہیں ہو گا”۔انہوں نے مزید کہا”لیکن ہمارے تاریک ترین اوقات میں بھی، امید ہے، ہر سرنگ کے آخر میں روشنی ہے،” ۔وزیر اعلیٰ نے آئین کے ابتدائی الفاظ “ہم، ہندوستان کے لوگ” کو یاد کرتے ہوئے تنوع میں ہندوستان کے اتحاد کی طاقت پر زور دیا۔انہوں نے کہا کہ “ہم اپنے اختلافات کے باوجود نہیں بلکہ ان کی وجہ سے متحد ہیں، ہماری اصل طاقت ہمارے اتحاد میں ہے۔”