یواین آئی
سڈنی/ہندوستانی ٹیم کے سربراہ گوتم گمبھیر نے سڈنی ٹیسٹ میں کھیلنے کے بارے میں کپتان روہت شرما کے سوال کے جواب میں کہا ہے کہ ہم کل پچ دیکھنے کے بعد فائنل الیون کا اعلان کریں گے ۔ آج یہاں پریس کانفرنس میں روہت شرما کی غیر حاضری کے بارے میں پوچھے گئے سوال کے جواب میں گمبھیر نے کہاکہ ‘‘ہیڈ کوچ یہاں ہے ۔ یہ کافی ہے ۔ روہت کے ساتھ سب کچھ ٹھیک ہے لیکن انہوں نے اس بات کی تصدیق نہیں کی کہ آیا ہندوستانی کپتان جمعہ کے گیارہ کا حصہ ہوں گے یا نہیں۔ انہوں نے کہا کہ ہم وکٹ کو دیکھیں گے اور ٹیم کو کل فائنل کر لیا جائے گا۔’’ اگر روہت سڈنی ٹیسٹ میں نہیں کھیلتے ہیں تو ان کی جگہ شبھمن گل اور دھرو جریل کو گیارہ میں دیکھا جا سکتا ہے ۔ ہندوستان شاذ و نادر ہی کسی ٹیسٹ میچ کے موقع پر اپنی پلیئنگ الیون کا اعلان کرتا ہے ۔ قابل ذکر ہے کہ روہت فارم میں جدوجہد کر رہے ہیں۔ گزشتہ نو ٹیسٹ میں ان کی اوسط 10.93 رہی ہے وہ جمعرات کو پریکٹس کے لیے دیر سے پہنچے ۔
