نیوز ڈیسک
نئی دہلی // وزیر اعظم نریندر مودی آج یعنی جمعرات کو تقریباً 71,000 نئے بھرتی ہونے والوں کو روزگار میلہ کے تحت ویڈیو کانفرنسنگ کے ذریعے تقرری کے آرڈرتقسیم کریں گے۔وزیر اعظم آفس کے بیان میں کہا گیا ہے کہ ملک بھر سے منتخب ہونے والے نئے بھرتی ہونے والے مختلف عہدوں جیسے ٹرین مینیجر، سٹیشن ماسٹر، سینئر کمرشل کم ٹکٹ کلرک، انسپکٹر، سب انسپکٹرز، کانسٹیبل، سٹینو گرافر، جونیئر اکاؤنٹنٹ، پوسٹل اسسٹنٹ، انکم ٹیکس انسپکٹر، ٹیکس اسسٹنٹ، سینئر ڈرافٹ مین، جے ای/سپروائزر، اسسٹنٹ پروفیسر، ٹیچر، لائبریرین، نرس، پروبیشنری آفیسرز، پی اے، ایم ٹی ایس، اور دیگر جوائن کریں گے۔
وزیراعظم اس موقع پر مقررین سے خطاب بھی کریں گے۔روزگار میلہ وزیر اعظم کے روزگار کے مواقع پیدا کرنے کو اولین ترجیح دینے کے عزم کی تکمیل کی طرف ایک قدم ہے۔منگل کو کہا گیا، “روزگار میلہ سے روزگار کے مزید مواقع پیدا کرنے اور نوجوانوں کو بااختیار بنانے اور قومی ترقی میں شرکت کے لیے بامعنی مواقع فراہم کرنے کی امید ہے۔”نئے شامل کیے گئے تقرریوں کو ‘کرمایوگی پرامبھ’ کے ذریعے خود کو تربیت دینے کا موقع بھی ملے گا، جو کہ مختلف سرکاری محکموں میں تمام نئے تقرریوں کے لیے ایک آن لائن اورینٹیشن کورس ہے۔وزیر اعظم مودی نے گزشتہ سال 22 اکتوبر کو 10 لاکھ سرکاری ملازمتیں فراہم کرنے کی مہم کے آغاز کے طور پر ‘روزگار میلہ’ کے پہلے مرحلے کا آغاز کیا تھا۔
