رعناواری میںلائوڈاکی کارروائی

سرینگر//جھیل ڈل اور اس کے گرد ونواح میں ناجائز تجاوزات ہٹانے کی مہم کوجاری رکھتے ہوئے لیکس اینڈ واٹر ویز ڈیو لپمنٹ اتھارٹی (LAWDA) نے سنیچر کورعناواری علاقہ میں3ڈھانچوں کومنہدم کیا ۔لائوڈا کے انفورسمنٹ آفیسر کی ہدایت پر مسماری ٹیم نے چوکو محلہ اور گرپورہ نائد یار رعناواری میں غیر قانونی طور تعمیر کئے گئے3 ڈھانچوں کو منہدم کیا۔ لاوڈا کے ایک ترجمان نے کہا کہ محکمہ عدالتی احکامات کے تحت من وعن زمینی سطح پر متحرک ہے اورانہدامی مہم جاری رہے گی۔لیکس اینڈ واٹر ویز ڈیو لپمنٹ اتھارٹی نے ڈل اور نگین جھیلوں کے گرد و نواح میں غیر قانونی طور ڈھانچے تعمیر کرنے والوں کو متنبہ کیا ہے کہ وہ اپنی حرکتوں سے باز آئیں ۔لائوڈ کے انفورسمنٹ افسر نے کہا کہ ان کے دائرہ اختیار میں آنے والے غیر قانونی طور تعمیر کئے گئے ڈھانچوں اور عمارتوں کو منہدم کرنے کی کارروائی جاری رہے گی او راس عمل میں رکاوٹیں پیدا کرنے والوں کے خلاف قانون کے تحت کارروائی عمل میں لائی جائے گی۔انہوںنے کہا کہ لائوڈا کے حدود اختیار میںرہنے والے شہریوں کو ہدایت دی گئی ہے کہ وہ غیر قانونی کوئی بھی تعمیراتی کام ہاتھ میںنہ لیں ۔انہوںنے  ٹپر اور لوڈ کیئر مالکا ن کو متنبہ کیا کہ ڈل اور نگین جھیلوں کے ممنوع علاقوں میں تعمیراتی مواد نہ لے جائیں۔