ہینڈ لوم اسسٹنٹ اکائونٹس آفیسر کیخلاف کیس درج
سرینگر// کرالہ گنڈ ہندوارہ میں تحصیلدار کو مبینہ طور پر رشوت کے ایک معاملے میں حراست میں لیا گیا ہے۔ ابتدائی پورٹس میں بتایا گیا ہے کہ تحصیلدارکرالہ گنڈ ہندوارہ کو اسکی پرائیویٹ رہائش گاہ واقع منگلوال پورہ میں مبینہ پر 50ہزار کی رشوت لیتے ہوئے گرفتار کیا گیا ہے۔لیکن اس بارے میں مکمل تفصیلات ظاہر نہیں کی گئی ہیں۔ادھر سنٹرل بیورو آف انوسٹی گیشن(سی بی آئی)کی انسداد بدعنوانی برانچ (اے سی بی)سرینگر نے جموں و کشمیر سٹیٹ ہینڈلوم ڈیولپمنٹ کارپوریشن کے ایک حاضر سروس اسسٹنٹ اکائونٹس آفیسر کے خلاف بدعنوانی کی روک تھام ایکٹ 1988 کے تحت مقدمہ درج کیا ہے۔ایف آئی آر میں درج تفصیلات کے مطابق، شکایت کنندہ، جو کارپوریشن کا ایک ریٹائرڈ ملازم ہے، نے الزام لگایا کہ “EP فنڈ ایمپلائز شیئر” کے تحت 1,49,010 کی غلط کٹوتی اس کی پنشن کے سلسلے میں اے جی کے دفتر کو بھیجے گئے فارم-9 میں ظاہر ہوئی ہے۔ جب شکایت کنندہ نے 11 جون کو متعلقہ اہلکار، ناصر احمد ڈار سے رابطہ کیا، تو افسر نے غلطی کو دور کرنے اور ضروری فارم/دستاویزات فراہم کرنے کے لیے مبینہ طور پر 15,000 روپے کا مطالبہ کیا۔بٹ نے رشوت دینے سے انکار کر دیا اور 14 جون کو ایک تحریری شکایت پیش کی، جس کے بعد سی بی آئی-اے سی بی کی ایک ٹیم نے فوری تصدیق کی۔ 14 جون کے تصدیقی میمو کے مطابق ڈار کی جانب سے رشوت کا مطالبہ پہلی نظر میں تھا۔اسکے بعد کیس درج کرلیا گیا ہے۔
