رسوئی گیس سلنڈر مہنگے ہوگئے

 نئی دہلی//تیل کمپنیوں نے رسوئی گیس کے غیرسبسڈی والے سلنڈر کی قیمت میں 93روپے فی سلنڈر اضافہ کا اعلان کیا ہے ۔ اس کے علاوہ سبسڈی والا سلنڈر بھی 4.56روپے مہنگا کیا گیا  ۔ کولکتہ کو چھوڑ کر تین شہروں میں طیارہ ایندھن کی قیمت میں بھی اضافہ کیا گیا ہے ۔قیمتوں میں یہ اضافہ بدھ سے ہی نافذ ہوگیا ہے ۔ تیل کمپنی انڈین آئل کارپوریشن کے مطابق دہلی میں اب سبسڈی والا سلنڈر742روپے کا ملے گا۔ یہ مسلسل چوتھا مہینہ ہے جب اس میں اضافہ کیا گیا ہے ۔ حکومت ایک مالی سال میں صارفین کو 12سلنڈر سبسڈی قیمت پر دستیاب کراتی ہے جبکہ اس سے زیادہ سلنڈر لینے پر بازار کی قیمت ادا کرنی پڑتی ہے ۔سبسڈی ختم کرنے کے حکومت کے فیصلہ کے تحت کمپنیوں نے سبسڈی والے سلنڈر کی قیمت دہلی میں 4.56روپے بڑھا کر 495.69روپے فی سلنڈر کردی ہے ۔