یواین آئی
نئی دہلی// کانگریس لیڈر راہل گاندھی، گاندھی خاندان کی روایتی لوک سبھا سیٹ کے لئے پرچہ نامزدگی داخل کرنے رائے بریلی پہنچ گئے ہیں۔رائے بریلی میں نامزدگی کی آخری تاریخ ہے اور راہل گاندھی اپنی والدہ سونیا گاندھی اور بہن پرینکا گاندھی واڈرا کے ساتھ نامزدگی کے لیے رائے بریلی پہنچ گئے ہیں۔ اس سیٹ کے لیے پانچویں مرحلے میں 20 مئی کو ووٹنگ ہوگی۔کانگریس ذرائع کے مطابق، پارٹی کی سنٹرل الیکشن کمیٹی نے اس سیٹ سے راہل گاندھی کے نام کا اعلان کرنے کے بعد، وہ محترمہ سونیا گاندھی اور محترمہ واڈرا کے ساتھ فرست گنج ہوائی اڈے پر اترے ۔رائے بریلی گاندھی خاندان کی روایتی پارلیمانی نشست ہے اور محترمہ سونیا گاندھی 1999 سے لوک سبھا میں اس نشست کی نمائندگی کرتی رہی ہیں۔ خراب صحت کا حوالہ دیتے ہوئے محترمہ گاندھی نے اس بار لوک سبھا الیکشن لڑنے سے انکار کر دیا تھا۔ اس کے بعد اس سیٹ کو لے کر طرح طرح کی قیاس آرائیاں جارہی تھیں۔قیاس آرائیاں کی جا رہی تھیں کہ راہل گاندھی کیرالہ کے وائناڈ کے ساتھ ہی اپنے پرانے امیٹھی پارلیمانی حلقہ سے اور محترمہ واڈرا رائے بریلی سے الیکشن لڑیں گی، لیکن آج یہ واضح ہو گیا کہ مسز واڈرا انتخابی سیاست سے دور رہ کر کانگریس کے لیے مہم چلاتی رہیں گی۔پارٹی نے امیٹھی کی باوقار سیٹ سے غیر معروف کشوری
لال شرما کو ٹکٹ دیا ہے ۔ بتایا جا رہا ہے کہ پنجاب نژاد مسٹر شرما راجیو گاندھی کے قریب تھے اور ان کے اصرار پر ہی 1983 میں کانگریس کارکن کے طور پر امیٹھی آئے تھے ۔
