ایم ایم پرویز
رام بن//ڈی پی او رام بن کے سائبر سیل نے منگل کو ایک اور آن لائن مالی فراڈ معاملہ کو حل کیا۔پولیس ذرائع نے بتایا کہ عابدہ بیگم زوجہ مرحوم عبدالرشید سکنہ پرنوٹ، رام بن کی طرف سے شکایت موصول ہوئی تھی جس میں بتایا گیا تھا کہ انہیں آن لائن لاٹری کے سلسلے میں ایک نامعلوم شخص کا فون آیا۔ان کا کہنا تھا کہ شکایت کنندہ دھوکہ باز کے جال میں آ گیا اور 17000 روپے کی رقم فراڈ کرنے والے کے اکاؤنٹ میں منتقل کر دی تاہم بعد میں شکایت کنندہ کو معلوم ہوا کہ یہ ایک فراڈ تھا۔رام بن کے سائبر سیل نے تیزی سے کام کیا اور بھرپور کوششوں کے بعد17000روپے کی رقم برآمد کی جو آن لائن گھوٹالوں کے ذریعے ہڑپ کی گئی تھی۔
