ایم ایم پرویز
رام بن//رام بن پولس کے سائبر سیل نے بدھ کے روز تین لاکھ روپے کے 16 گمشدہ موبائل فونز کا سراغ لگایا اور برآمد کیا۔پولیس ذرائع نے بتایا کہ رامبن پولیس کے سائبر سیل کو موبائل فون غائب ہونے کی مختلف شکایات موصول ہوئی تھیں۔انہوں نے کہا کہ کافی کوششوں کے بعد، رامبن پولیس کے سائبر سیل نے تقریباً تین لاکھ کے 16 گمشدہ موبائل فونز کا سراغ لگایا اور برآمد کیا۔بدھ کے روز ضلع پولیس رامبن کے سائبر سیل نے ایس ایس پی رامبن کی موجودگی میں، انوج کمار نے ضلع پولیس دفتر رامبن میں برآمد شدہ موبائل فون ان کے جائز مالکان کو سونپے۔ایس ایس پی انوج کمار نے عام لوگوں سے اپیل کی کہ وہ اپنے موبائل کا بہت خیال رکھیں کیونکہ ان میں ذاتی ڈیٹا ہوتا ہے اور اس کے غلط استعمال کا امکان ہوتا ہے۔ایس ایس پی نے موبائل آلات کی حفاظت کی اہمیت پر زور دیا کیونکہ ان میں اکثر حساس معلومات ہوتی ہیں، جو ان کے غلط استعمال سے وابستہ ممکنہ خطرات کو اجاگر کرتی ہیں۔ایس ایس پی نے عوام پر زور دیا کہ وہ کسی بھی ناخوشگوار واقعے سے بچنے کے لیے اپنے موبائل فون کو سنبھالنے میں انتہائی احتیاط برتیں۔
