رام بن میں رہبر تعلیم ٹیچرز فورم کا ریاستی کنونشن منعقد

رام بن // جموں کشمیر رہبر تعلیم ٹیچرز فورم کا ایک ریاستی سطح کا ایجوکیشن کنونشن رام بن میں منعقد ہوا۔اس موقعہ پر اے ڈی سی رام بن مہمان خصوصی کی حیثیت سے موجود تھے جبکہ فورم کے ریاستی چیئر مین فاروق احمد تانترے اور سینئر نائب چیئر مین بھوپیندر سنگھ مہمان ذی وقار کے  تھے ۔کنونشن کے دوران ضلع رام بن کے چھ تعلیمی زونوں کے علاوہ ریاست کے مختلف اضلاع سے فورم کے عہداران موجود تھے ۔اس موقعہ پر فورم کے چیئر مین نے اساتذہ پر زور دیتے ہوئے کہا کہ وہ اپنے فرائض کے تیں مزید سنجیدہ ہو جائیں اور قوم کے مستقبل کو سنورانے میں اپنا رول ادا کریں ۔تانترے نے کہا کہ جموں کشمیر رہبر تعلیم کا پہلا نعرہ ہے کہ وہ ریاست کے نظام تعلیم میں مزید بہتری لائیں ۔انہوں نے کہا کہ اس کے بعد رہبر تعلیم اساتذہ کے مسائل اور حقوق کے لئے فورم محو جدو جہد ہیں۔انہوں نے کہا کہ ایجوکیشن والینٹرسے رہبر تعلیم اساتذہ بنے اساتذہ کی مستقلی کی فائلیں سالوں سے التوا میں پڑی ہیں جبکہ ایس ایس تنخواوں کو سڑیم لائن بنانا اور ٹرانسفر پالیسی کو لاگو نہیں کیا جا رہا ہے۔ انہوں نے مزید کہا کہ اگر ان کے مطالبات اس سال کے دسمبر کے آخر تک پورے نہ کئے گئے تو فورم سیکٹریٹ کا گہرائو کریں گے۔ اس موقع پر نائب چیئر مین بھو پیندر سنگھ نے بھی اساتذہ پر زور دیتے ہوئے کہا کہ وہ فورم کو مزید مضبوط بنانے کے ساتھ ساتھ اپنے فرائض پر توجہ مر کوز کریں ۔انہوں نے کہا کہ فورم اساتذہ کے مسائل اور مشکلات کے متعلق سرکار و متعلقہ محکمہ کے آفسران سے رابطے میں ہیں اور اگر بات چیت سے مسئلہ حل نہیں ہوتا تو احتجاج کی صورت اختیار کی جائے گی۔اس موقع پر اے ڈی سی رام بن نے فورم کی طرف سے منعقدہ اس قسم کی کنوینشن منعقد کرانے پر اْن کی سراہنا کی اور ضلع میں تعلیمی معیار کو مزید بڑھانے کے لئے ہر ممکن مدد کی یقین دہانی کرائی۔انہوں نے مزید کہا کہ اساتذہ کو درپیش مسائل اور مشکلات کے بارے میں بھی اعلیٰ حکام کو مطلع کیا جائے گا۔ان کے علاوہ کنوینشن میں فورم کے جنرل سیکریٹری جہانگیر عالم خان،ڈپٹی چیف ایجوکیشن آفیسر رام بن بالا جی ٹپلو،زونل ایجوکیشن آفسر رام بن فرید احمد، ریاستی چیف پریس سیکریٹری مظفر احمد ،شکیل زوہد،مشتاق ملک،اخترعباس، راجیش پال،معصوم الحق،بہاری لعل شرما، آفتاب ملک، کرپال سنگھ،پریتم سنگھ،شیو دیو سنگھ،پریتم دیوان،فاروق ایتو ضلع صدر شوپیاں،بھادر سنگھ ضلع صدر ریاسی،کلدیپ کٹوچ،تیرتھ سنگھ بلوال،سیوا سنگھ،وکرم سنگھ،بہار میر،فردوس کٹوچ،زہیر سوہل،فاروق وانی،عاصف بٹ،ریس بالی،امتیاز احمد و دیگران نے کنوینشن سے تقاریر کیں ۔ اس کنوینشن کا انعقاد فورم ضلع صدر رام بن فاروق احمد رونیال نے کیا تھا جبکہ اس موقع پر نظامت کے فرائض فورم کے ضلع جنرل سیکر یٹری شفقت نثار نے انجام دیں ۔