یواین آئی
نئی دہلی// کیرالہ کیڈر 1989 بیچ کے انڈین ایڈمنسٹریٹو سروس کے افسر راجیش کمار سنگھ نے یہاں ساؤتھ بلاک میں محکمہ دفاع کے سکریٹری کا عہدہ سنبھال لیا ۔انہوں نے 20 اگست کو آفیسر آن اسپیشل ڈیوٹی (دفاع سیکریٹری) کا چارج سنبھالا تھا۔ چارج سنبھالنے سے پہلے سنگھ نے یہاں قومی جنگی یادگار پر پھول چڑھائے اور شہیدوں کو خراج عقیدت پیش کیا ۔انہوں نے کہا کہ ملک ہمیشہ ان بہادر سپاہیوں کا مقروض رہے گا، جنہوں نے مادر وطن کی خدمت میں بے پناہ قربانیاں دیں۔ بہادر فوجیوں کی غیر معمولی بہادری اور قربانی ہندوستان کو ایک محفوظ اور خوشحال ملک بنانے کے لیے ہمارے لیے طاقت اور تحریک کا ذریعہ ہے۔‘‘قبل ازیں، سنگھ وزارت صنعت و تجارت میں صنعت اور داخلی تجارت کے فروغ کے سیکریٹری کے عہدے پر فائز رہ چکے ہیں۔ انہوں نے محکمہ حیوانات اور ڈیری، ماہی پروری، حیوانات اور ڈیری کی وزارت میں سیکرٹری کے طور پر خدمات انجام دی ہیں۔وہ مرکزی وزارت شہری ترقی میں ورکس اور اربن ٹرانسپورٹ، کمشنر (لینڈ) دہلی ڈولپمنٹ اتھارٹی ( ڈی ڈی اے ) میں ڈائریکٹر، پٹرولیم اور قدرتی گیس کی وزارت میں جوائنٹ سکریٹری، زراعت، کوآپریٹیو اور کسانوں کے محکمے میں جوائنٹ سکریٹری جیسے کئی اہم عہدوں پر فائز رہ چکے ہیں۔ ویلفیئر اینڈ فوڈ کارپوریشن آف انڈیا کے چیف ویجیلنس آفیسر کے عہدے پر بھی انہوں نے کام کیا ہے۔ وہ ریاستی حکومت میں کئی اہم عہدوں پر بھی فائز رہ چکے ہیں جیسے شہری ترقی کے سکریٹری اور حال ہی میں فنانس سکریٹری، کیرالہ حکومت۔ سنگھ نے آندھرا پردیش کیڈر کے 1988 بیچ کے آئی اے ایس افسر گردھر ارمانے کی جگہ لی ہے ، جو ریٹائر ہوگئے ہیں۔
