سمت بھارگو
راجوری //22فروری کو راجوری میں ایک آرمی کیمپ کے باہر فائرنگ کے واقعہ کی مجسٹریل جانچ کر رہے ایک انکوائری افسر نے اس واقعہ کے بارے میں عوام سے معلومات طلب کی ہیں۔16 دسمبر کو فوجی کیمپ کے الفا گیٹ کے قریب ہونے والے واقعہ میں کمل کمار اور سریندر کمارساکنان پھلیانہ ہلاک ہوگئے تھے اور اتراکھنڈ کا ایک اور شخص زخمی ہوا تھا۔ فوج نے کہا تھا کہ ملی ٹینٹوںکی فائرنگ میں دو شہری مارے گئے، اس واقعے نے دیہاتیوں کے احتجاج کو جنم دیا جس نے ضلع انتظامیہ کو اس واقعے کی مجسٹریل تحقیقات کا حکم دینے پر مجبور کیا۔22فروری بدھ کوکو جاری کردہ ایک عوامی نوٹس میں، ایڈیشنل ڈسٹرکٹ مجسٹریٹ راجوری سچن دیو سنگھ، جنہیں فائرنگ کی وجہ کا پتہ لگانے کے لیے انکوائری افسر کے طور پر مقرر کیا گیا ہے، نے ایک ہفتے کے اندر اندر اس واقعے کے بارے میں عوام سے معلومات طلب کی ہیں۔نوٹس میں کہا گیا ہے”پھلیانہ گاؤں کے لوگوں، میڈیا افراد یا کوئی دوسرا شخص جو اس واقعہ کے بارے میں معلومات رکھتا ہے اور تحریری/زبانی یا کسی دوسرے ان پٹ کو شیئر کرنا چاہتا ہے، وہ ایک ہفتے کے اندر اندر انکوائری افسر کو انکوائری مکمل کرنے کے قابل بنا سکتا ہے۔ ’’۔نوٹس میں کہا گیا ہے کہ “ان پٹس کو ٹیلی فون یا موبائل نمبر 9596510500 پر واٹس ایپ کے ذریعے بھی شیئر کیا جا سکتا ہے۔” کیمپ کے باہر فائرنگ کے پندرہ دن بعد، ملی ٹینٹوں نے جنوری کے پہلے دن راجوری شہر کے دھانگری گاؤں پر حملہ کیا، جس میں سات شہری ہلاک اور 14 دیگر زخمی ہوئے۔گاؤں میں ملی ٹینٹوںکی فائرنگ میں جہاں پانچ افراد ہلاک ہوئے، وہیں دو بچے اس وقت مارے گئے جب حملہ آوروں کے پیچھے چھوڑا گیا ایک دیسی ساختہ بم (آئی ای ڈی) اگلے دن پھٹ گیا۔
