سمت بھارگو
راجوری//چھ دن کی بندش کے بعد، راجوری اور پونچھ اضلاع کے اندرونی علاقوں میںسکول دوبارہ کھل گئے، جو اپنے کلاس رومز میں واپس آنے کے خواہشمند طلبہ کے لیے خوشی کا باعث بنے۔دوبارہ کھولے گئے سکول لائن آف کنٹرول (ایل او سی) سے دور اندرونی علاقوں میں واقع ہیں، جب کہ ایل او سی کے قریب کے علاقوں میں سکول بند ہیں اور آئندہ پیر کو دوبارہ کھولے جائیں گے۔طلباء کو ایک مختصر وقفے کے بعد اپنی تعلیمی سرگرمیاں دوبارہ شروع کرنے کے لیے پرجوش انداز میں دیکھا گیا۔سکولوں کا دوبارہ کھلنا ان علاقوں میں معمول پر واپسی کی نشاندہی کرتا ہے، جس سے طلباء، والدین اور اساتذہ کو راحت کا احساس ملتا ہے۔کریسنٹ پبلک سکول بدھل کے چیئرمین وقار لون نے کہا”ہم اپنے اسکول میں معمول کا کام دوبارہ شروع کرنے پر خوش ہیں اور طلباء نے خوشی کے موڈ میں اسکول میں شرکت کی” تاہم انہوں نے کہا کہ عام دنوں کے مقابلے پہلے دن طلباء کی حاضری نسبتاً کم رہی۔جن تعلیمی زونوں میں اسکولوں کو پسماندہ علاقوں میں کھولا گیا ہے ان میں راجوری ضلع میں پیری، کالاکوٹ، تھانہ منڈی، مولا، کوٹرنکا، خواس، لوئر ہتھل اور درہل شامل ہیں جبکہ ضلع پونچھ میں سورنکوٹ اور بفلیاز زون میں اسکول دوبارہ کھولے گئے ہیں۔اسی طرح راجوری ضلع کے منجاکوٹ، نوشہرہ، ڈنڈیسر، ڈونگی، سندربنی، راجوری اور بلجرالن زون میں اسکول بند رہنے کے ساتھ ساتھ پونچھ ضلع کے منکوٹ، مینڈھر، بالاکوٹ، ہرنی، ننگلی، منڈی، کنائیاں، ستھرا اور پونچھ میں اسکول بند ہیں۔
