یو این آئی
نئی دہلی//حکومت نے راجستھان اور پنجاب اور ہریانہ ہائی کورٹس میں سات مستقل ججوں کی تقرری کی ہے۔ اس کے ساتھ ہی چھتیس گڑھ ہائی کورٹ کے تین ایڈیشنل ججوں کو ایک سال کیلئے اسی عدالت میں ایڈیشنل جج کے طور پر دوبارہ تعینات کرنے کا فیصلہ کیا گیا ہے۔جمعرات کو وزارت قانون و انصاف کی طرف سے جاری کردہ ایک ریلیز کے مطابق راجستھان ہائی کورٹ کے چار ایڈووکیٹ اور پنجاب ہائی کورٹ کے تین ایڈیشنل ججوں کو بالترتیب ان عدالتوں میں مستقل جج مقرر کیا گیا ہے۔ریلیز میں کہا گیا ہے کہ آئین ہند کی طرف سے دیئے گئے اختیارات کا استعمال کرتے ہوئے صدرجمہوریہ نے یہ تقرریاں کی ہیں۔محترم آنند شرما، سنیل بینیوال، مکیش راجپوروہت اور سندیپ شاہ (تمام وکلا) کو راجستھان ہائی کورٹ میں مستقل جج مقرر کیا گیا ہے۔
