ذاکر نائیک کی حوالگی

نئی دہلی//ڈاکٹر ذاکر نائیک کی حوالگی پررضامندی ظاہرکرتے ہوئے ملیشیانے کہاہے کہ حکومت درخواست دے تو اسلامی اسکالر کو حوالے کردیا جائیگا ۔ معروف اسلامی مبلغ ڈاکٹر ذاکر نائیک کو ہندوستان کے حوالہ کرنے سے متعلق ملیشیا نے اپنی رضامندی ظاہر کر دی ہے۔ ملیشیا کی حکومت نے کہا ہے کہ اگر حکومت ہند ان کی حوالگی کا مطالبہ کرتی ہے تو وہ ذاکر نائک کو اس کے حوالہ کر دے گی۔ ملیشیا حکومت کے اس رخ سے یہ واضح ہو گیا ہے کہ وہ ذاکر نائک کو ہندوستان کو سونپنے کیلئے تیار ہے۔ ملیشیا کے نائب وزیر اعظم زاہد حمیدی نے کہا کہ اگر حکومت ہند ذاکر نائک کی حوالگی کے لئے درخواست دے گی تو وہ انہیں سونپ دیں گے۔ تاہم، انہوں نے یہ بھی واضح کیا کہ ابھی اس تعلق سے ان کے پاس کوئی درخواست وصول نہیں ہوئی ہے۔ ملیشیا کے نائب وزیر اعظم نے کہا کہ فی الحال ذاکر نائک کا پاسپورٹ منسوخ نہیں کیا جا سکتا کیونکہ ذاکر نائک نے ابھی تک ملیشیا کے کسی بھی قانون کی خلاف ورزی نہیں کی ہے۔