نئی دہلی//دہلی کے تینوں کارپوریشن کو ضم کرکے ایک کرنے کے لیے مجوزہ بل کو آج اپوزیشن کے احتجاج کے درمیان لوک سبھا میں پیش کیا گیا۔وزیر مملکت برائے داخلہ نتیانند رائے نے ‘دہلی میونسپل کارپوریشن (ترمیمی) بل 2022’ کو پیش کرتے ہوئے کہا کہ اس بل کی منظوری سے دہلی کے میونسپل نظام میں یکسانیت آئے گی، پالیسیاں ٹھوس ہوں گی اور تنخواہوں کی ادائیگی جیسے مسائل حل ہوں گے ۔ ملازمین کے مسائل حل ہو سکیں گے ۔ انہوں نے کہا کہ یہ بل دہلی کے باشندوں کے مفاد میں ہے ۔کانگریس ،ریوولیوشنری سوشلسٹ پارٹی اور بہوجن سماج پارٹی نے بل کی مخالفت کرتے ہوئے کہا کہ یہ حکمراں پارٹی کی طرف سے قومی دارالحکومت میں بلدیاتی انتخابات کو ملتوی کرنے کی سازش ہے ۔عام آدمی پارٹی نے بھی اس بل کی مخالفت کی ہے ، حالانکہ پارٹی کے رکن اسمبلی بھگونت مان کے پنجاب کے وزیر اعلیٰ بننے کے بعد پارٹی کا ایوان میں کوئی رکن نہیں ہے ۔
دہلی کی3 میونسپل کارپوریشنوں کو ضم کرنے کا بل لوک سبھا میں پیش
