عظمیٰ نیوز سروس
نئی دہلی //نئی دہلی کی ایک عدالت نے منگل کو کشمیری علیحدگی پسند رہنما شبیر احمد شاہ کو منی لانڈرنگ کیس میں رہا کرنے کا حکم دیا، جس کے بارے میں حکام کا کہنا ہے کہ کیس دہشت گردی کی فنڈنگ سے منسلک تھا۔پٹیالہ ہائوس کورٹس کے ایڈیشنل سیشن جج دھیرج مور نے یہ نوٹ کرنے کے بعد کہ شاہ نے PMLA کے سیکشن-3 کے تحت جرم کے لیے مقرر کردہ زیادہ سے زیادہ سات سال کی سزا کاٹ دی ہے، شاہ کی رہائی کا حکم جاری کیا ہے۔عدالت نے کہاکہ شاہ 26 جولائی 2017 سے کیس میں مسلسل حراست میں تھے اور اس کے بعد سے 7 سال سے زیادہ کا عرصہ گزر چکا ہے۔ عدالت نے کہا” سیکشن 436A CrPC کی شرط کے پیش نظر، وہ اس معاملے میں رہا ہونے کا حقدار ہے۔ اس لیے اسے اس معاملے میں عدالتی حراست سے رہا کرنے کی ہدایت کی گئی ہے‘‘۔ عدالت نے کہا’’ رہائی کے وارنٹ جاری کیے جائیں، اسے فوری طور پر رہا کیا جائے، اگر کسی اور معاملے میں ضرورت نہ ہو‘‘۔اب الزام پر دلائل کے لیے اس معاملے کی سماعت 23 اکتوبر کو ہوگی۔جج نے جون میں شاہ کو قانونی ضمانت دی تھی اس لئے کہ وہ منی لانڈرنگ کے جرم میں مقرر کردہ زیادہ سے زیادہ سزا کی نصف سے زیادہ مدت پہلے ہی بھگت چکے ہیں۔عدالت نے کہا تھا، اگر اس کیس میں اسے ضمانت مل جاتی ہے، تو اس کے 24.07.2024 سے پہلے جیل سے رہا ہونے کا امکان نہیں ہے، یعنی اس تاریخ کو جس پر موجودہ کیس میں زیر سماعت قیدی کی 7 سال کی زیادہ سے زیادہ سزا اس کے لیے ختم ہو رہی ہے۔،” ۔
