عظمیٰ نیوز ڈیسک
نئی دہلی//راجدھانی دہلی میں ہفتہ کے بعد بارش تو نہیں ہوئی ہے لیکن ٹھٹھرنے والی ٹھنڈ کا دور جاری ہے۔ لوگوں کو دھوپ کے درشن نہیں بہت کم ہو رہے ہیں۔ محکمہ موسمیات نے اب اگلے تین دنوں کیلئے کہرے کا یلو الرٹ بھی جاری کیا ہے۔ منگل اور بدھ کو بھی ‘ویسٹرن ڈسٹربنس’ کا اثر دیکھنے کو مل سکتا ہے۔ بدھ کو کہیں کہیں ہلکی بارش ہونے کے آثار ہیں۔ وہیں اتر پردیش کے لکھنو سمیت کچھ ضلعوں میں دیر رات اور صبح میں گھنے کہرے کیلئے وارننگ جاری کی گئی ہے۔اتوار کو راجدھانی میں زیادہ سے زیادہ درجہ حرارت معمول سے 2.6ڈگری، کم سے کم 17.3 ڈگری سیلسیس ریکارڈ کیا گیا۔ کم سے کم درجہ حرارت معمول سے 1.6 ڈگری، زیادہ سے زیادہ 9.0 ڈگری سیلسیس رہا۔ ہوا میں نمی کی سطح 100 سے 78 فیصد رہی۔ سب سے کم زیادہ سے زیادہ درجہ حرارت 15.2 ڈگری پوسا کا رہا جبکہ کم سے کم 7.9 ڈگری آیا نگر کا درج ہوا۔بارش کی بات کی جائے تو ہفتہ کی صبح ساڑھے آٹھ بجے سے اتوار کی صبح ساڑھے آٹھ بجے تک 24 گھنٹے میں دہلی میں 2.2 ملی میٹر بارش درج کی گئی۔ پالم میں یہ 34 ملی میٹر، لودی روڈ پر 2.0 ملی میٹر، رِج میں 1.7 ملی میٹر، آیا نگر میں 2.5 ملی میٹر، نجف گڑھ میں 5.5 ملی میٹر، پیتم پورہ میں 2.0 ملی میٹر، پوسا میں 2.5 ملی میٹر اور راج گھاٹ پر 1.3 ملی میٹر درج کی گئی۔محکمہ موسمیات کی پیش گوئی کے مطابق پیر کی صبح بھی زیادہ تر علاقوں میں دھند اور ہلکا کہرا رہنے کا امکان ہے۔ کہیں کہیں گھنا کہرا بھی ہو سکتا ہے۔ شام اور رات کے وقت بھی یہی حالت بنی رہے گی۔ دن میں جزوی طور سے بادل چھائے رہیں گے۔دوسری طرف اتر پردیش میں پیر کو موسم صاف رہنے کا امکان ظاہر کیا گیا ہے۔ محکمہ موسمیات کے مطابق لکھنو کا زیادہ سے زیادہ درجہ حرارت 21.3 ڈگری سیلسیس اور کم سے کم درجہ حرارت 11.7 ڈگری سیلسیس درج کیا گیا۔ پیر کو لکھنو اور آس پاس کے علاقوں میں صبح اور دیر شام گھنا کہرا ہونے کا امکان ہے۔
ہماچل میں تازہ بارش اور برف باری
شملہ// ہماچل پردیش میں تازہ بارش اور برف باری کے بعد پیر کو بھی شدید سردی کی لہر جاری رہی۔سرد لہر میں شدت آگئی ہے جس کے باعث گزشتہ 24 گھنٹوں کے دوران کم سے کم درجہ حرارت میں 2 سے 3 ڈگری سینٹی گریڈ کی کمی واقع ہوئی ہے۔
منالی اے ٹی آرکیلونگ روٹ کو برف سے صاف کر کے دوبارہ کھول دیا گیا ہے، لیکن قبائلی اضلاع میں بہت سے راستے برف سے ڈھکے ہوئے ہیں، جس سے دور دراز علاقوں تک رسائی محدود ہے۔تبو منی میں کم سے کم درجہ حرارت 10.8 ڈگری سیلسیس، کیلونگ منفی 8.7 ڈگری سیلسیس، منالی منفی 1.1 ڈگری سیلسیس، کلپا منفی 3.6 ڈگری سیلسیس، کفری منفی 0.8 ڈگری سیلسیس، نارکنڈہ میں منفی 2 ڈگری سیلسیس، اونا میں 3.6 ڈگری سیلسیس، شملہ میں 2.4 ڈگری سیلسیس، دھرم شالہ میں 4.6 ڈگری سیلسیس، منڈی میں 4.5 ڈگری سیلسیس، کانگڑا میں 4 ڈگری سیلسیس، ہمیر پور میں 2.9 ڈگری سیلسیس، بلاس پور میں 5.4 ڈگری سیلسیس، 63 ڈگری سیلسیس ریکارڈ کیا گیا۔یہاں 16جنوری کو درمیانی اور اونچی پہاڑیوں میں ہلکی سے درمیانی بارش اور برف باری کی توقع ہے، جبکہ نچلی پہاڑیوں اور میدانی علاقوں میں ہلکی بارش متوقع ہے۔اگلے چند دنوں میں کم سے کم درجہ حرارت میں بتدریج 2-4 ڈگری سیلسیس کی کمی متوقع ہے۔13سے 15جنوری کے درمیان رات گئے اور صبح کے اوقات میں مختلف زیریں پہاڑیوں اور میدانی علاقوں میں گھنی دھند پڑنے کا امکان ہے۔
