دہلی میں آندھی اورطوفان ، ممبئی میں زبردست بارش

 قومی راجدھانی دہلی میں بھی موسم بدل گیا ہے۔یہاں کئی علاقں میں تیز ہواؤں کے ساتھ ساتھ بارش ہو رہی ہے۔وہیں خراب موسم کے مد نظر دہلی ایئر پورٹ میں اڑانوں کی کارروائی بند کر دی گئی ہے۔ممبئی انٹرنیشنل ایئر پورٹ نے صفائی دی ہے کہ بارش کی وجہ ساے پروازوں میں کی کارروائی میں 15۔20 منٹ کی تاخیر ہو رہی ہے۔ حالانکہ کوئی بھ یطیارہ رد یا ڈائیورٹ نہیں کیا گیا ہے۔واضح ہو کہ ممبئی میں سنیچر کی صبح تیز بارش کی وجہ سے شہر کے کئی حصوں میں پانی بھر گیا اور ٹریفک لگ گیا۔بھاری بارش کا ایئر لائن خدمات پر بھی اثر پڑا ہے۔ملک کی مالیاتی راجدھانی ممبئی میں ہفتہ کی صبح ایک بار پھر سے زبردست بارش ہوئی۔ بارش کی وجہ سے شہر کے کئی حصوں میں پانی بھر گیا ہے اور ٹریفک جام لگا ہوا ہے۔ زبردست بارش کا ہوائی خدمات پر بھی اثر پڑا ہے۔گزشتہ 12 گھنٹوں میں شہر میں 95-75 سیمی بارش ہوئی ہے۔ صبح تقریباً 30 منٹ تک ہوئی بارش کی وجہ سے شہر کے کئی علاقوں کی سڑکوں پر پانی بھر گیا ہے، جس میں ماہم، منڈماتا، پریل اور مرین ڈرائیو کی سڑکیں بھی شامل ہیں۔خراب موسم کی وجہ سے دو پروازیں بھی منسوخ ہوگئی ہیں جبکہ کئی طیارے طے وقت سے تاخیر سیپرواز کررہے ہیں۔ حالانکہ اب تک کوئی ٹرین کینسل نہیں ہوئی ہے، لیکن مسافروں کے مطابق ٹرینیں بھی تاخیر سے چل رہی ہیں۔واضح رہے کہ آئی ایم ڈی کے افسران کے مطابق جنوب مغربی مانسون ابھی کرناٹک تک پہنچ گیا ہے اور یہ تیزی سے کونکنی ساحل کی طرف بڑھ رہا ہے۔ محکمہ موسمیات نے ممبئی سمیت مہاراشٹر کے 6 اضلاع میں زبردست بارش کی وارننگ دیتے ہوئے لوگوں سے اپیل کی ہے کہ وہ اس دوران گھر سے باہر نہ نکلیں۔ ہندوستانی محکمہ موسمیات (آئی ایم ڈی) کے تقریباً 75 فیصد سے زیادہ موسم مراکز نے جنوبی کوکن اور گوا علاقے میں زبردست بارش کا اندازہ لگایا ہے۔ممبئی میں ہونے والی زبردست بارش کی وجہ سے لوکل ٹرینیں بھی تاخیر سے چل رہی ہیں۔ اگر بارش نہیں رکے گی تو پھر لوگوں کو مزید پریشانی کا سامنا کرنا پڑسکتا ہے۔