دہشت زدہ ماحول میں باہمی معاملات حل نہیں ہونگے::بھارت

نئی دلی //بھارت نے واضح کیاہے کہ بھارت پاک تعلقات کے حوالے سے اسکا موقف تبدیل نہیں ہوا ہے۔واضح رہے کہ امریکہ نے بھارت اور پاکستان کے درمیان تنائو کم کرنے کیلئے مداخلت کرنے کی بات کہی ہے۔بھارت میں وزارت خارجہ کے ترجمان نے کہا کہ بھارتی سرکار کے اس موقف میں کوئی تبدیلی نہیں آئی ہے کہ باہمی معاملات کو دہشت زدہ ماحول اورتشدد کے بیچ حل نہیں کیا جاسکتا ۔ ترجمان نے بتایا کہ بے شک ہم اُمید رکھتے ہیں کہ عالمی ادارے اور تنظیمیں پاکستان سے پیدا ہونے والی دہشت گردی کو ختم کرنے کے رول کو تسلیم کرے ، جو خطے کی امن و آشتی کیلئے بڑا خطرہ بنا ہوا ہے۔ وہ امریکی سفیر کے اس بیان پر پوچھے گئے سوالوں کا جواب دے رہے تھے جس میں اقوام متحدہ میں امریکہ سفیر نکی ہیلی نے بھارت پاک تعلقات پر اپنی تشویش کا اظہار کیا تھا اور کوشش کرتے ہیں کہ مختلف ممالک میں پیدا شدہ تناوء کو کیسے کم کریں۔