بنگلور/ سابق ہندستانی کپتان مہندر سنگھ دھونی نے سری لنکا کے خلاف 21 اگست سے شروع ہو رہی محدود اوورز کی سیریز کیلئے تیاریوں کے تحت یہاں قومی کرکٹ اکیڈمی میں پریکٹس شروع کر دی ہے ۔ٹیسٹ کرکٹ کو بہت پہلے الوداع کہہ دینے والے دھونی محدود اوورز کی ٹیم کے اہم رکن ہیں۔ انہوں نے حال ہی میں ون ڈے اور ٹوئنٹی 20 کی کپتانی چھوڑی تھی۔دھونی نے جمعہ کو انسٹاگرام پر تصاویر پوسٹ کی ہیں جس میں وہ سریش رینا، کیدار جادھو سمیت دیگر کرکٹرز کے ساتھ نظر آ رہے ہیں۔دھونی نے پوسٹ کی گئی تصاویر کے ساتھ لکھا ہے کہ قومی کرکٹ اکیڈمی میں پریکٹس سیشن مکمل ہوا اور اب یہ وقت دوپہر کے کھانے کا ہے ۔پریکٹس سیشن میں حصہ لے رہے رائنا کا مقصد بھی ون ڈے ٹیم میں واپسی کا ہے ۔انہوں نے اپنا پچھلا ون ڈے انٹرنیشنل میچ 2015 میں جنوبی افریقہ کے خلاف کھیلا تھا۔قابل ذکر ہے کہ دھونی اور جادھو کی ٹیم میں واپسی طے نظر آ رہی ہے جبکہ رائنا کا انتظار اور طویل ہو سکتا ہے ۔یو این آئی۔
دھونی نے ون ڈے سیریز کے لئے شروع کی مشق
