دھونی دنیا کے بہترین فنشر ہیں: ہسی

میلبورن// آسٹریلیا کے سابق کھلاڑی اور آئی پی ایل میں چنئی سپر کنگز کے لئے کھیل چکے مائیکل ہسی نے کہا ہے کہ مہندر سنگھ دھونی دنیا کے بہترین فنشر میں سے ایک ہیں ۔ہسی دھونی کی کپتانی میں سات سال چنئی کے لئے کھیلے ہیں اور انہوں نے دھونی کے ساتھ ڈریسنگ روم میں طویل وقت گزارا ہے ۔ ہسی مانتے ہیں کہ دھونی اپنی نرمی اور ذہنی پختگی سے حریف کپتانوں پر دباؤ بنا دیتے ہیں ۔ہسی نے کہا کہ میرے خیال سے دھونی تاریخ کے بہترین فنشر ہیں ۔ اگرچہ یہ کہنا تھوڑا متنازعہ ہو سکتا ہے کیونکہ دنیا میں بہت فنشر ہے لیکن دھونی سمجھتے ہیں کہ حریف کیا کر سکتے ہیں اور اس کے بعد وہ پرسکون رہ کر دباؤ برداشت کرتے ہیں ۔ وہ مخالف ٹیم سے زیادہ پرسکون رہتے ہیں ۔ دھونی آخر کے دوسرے اوور میں بہتر بولر سے بولنگ کراتے ہیں اور حریف کپتان کو ساکت کر دیتے ہیں ۔ انہوں نے کہا کہ دھونی کے پاس بہترین توانائی ہے جو دوسرے فنشر کے پاس نہیں ہے ۔ انہیں پتہ ہے کہ کب کون سا شاٹ کھیلنا ہے ۔ میرے پاس بھی ایسا اعتماد نہیں ہے ۔ دھونی کے پاس ذہنی پختگی ، تحمل اور طاقت ہے ۔ انہیں پتہ ہے کہ کب چھکا مارنے کی ضرورت ہے اور وہ اسی وقت ایسا کرنے میں کامیاب ہوتے ہیں ۔ میرے خیال سے ان کے اسی اعتماد نے انہیں آگے بڑھایا ہے اور وہ سب سے بہتر ہیں ۔ ہسی نے ہدف کا تعاقب کرتے ہوئے دھونی کی ذہنیت کے بارے میں بھی اظہار خیال کیا ۔ انہوں نے کہا کہ میں ہدف کا تعاقب کرتے وقت 12-13 کا ضروری رن ریٹ نہ رکھنے کی کوشش کرتا تھا ۔ لیکن میں نے دھونی سے سیکھا ۔ وہ ناقابل اعتماد ہیں ۔ وہ ہدف کا تعاقب کرتے وقت بھی خاموش رہتے ہیں اور میچ کو لمبا کھینچتے ہیں کیونکہ اس سے بولر پر دباؤ بڑھتا ہے ۔ ہسی نے کہا کہ اگر آپ مڈل میں آؤٹ ہو جائیں لیکن بولر کو پتہ ہے کہ ٹیم میں دھونی یا مائیکل بیون جیسا کھلاڑی موجود ہے تو ہندستان ، آسٹریلیا یا چنئی سپر کنگز کے پاس میچ جیتنے کا موقع رہتا ہے کیونکہ بولر پر بھی دباؤ ہوتا ہے ۔