سرینگر //جموں و کشمیر میں مسلسل دوسرے دن بھی کورونا وائرس سے روزانہ متاثر ہونے والے افراد کی تعداد 500 کم ہے۔ پچھلے 24 گھنٹوں کے دوران کورونا وائرس کی تشخیص کیلئے 69ہزار 917ٹیسٹ کئے گئے جن میں 30سفر کرنے والوں سمیت مزید 440افراد کی رپورٹیں مثبت آئی ہیں۔ متاثرین کی مجموعی تعداد 4لاکھ 50ہزار 771ہوگئی ہے۔ اس دوران کورونا وائرس سے مزید ایک اور شخص کی جان گئی ہے۔ جموں و کشمیر میں متوفین کی تعداد 4745ہوگئی ہے۔محکمہ صحت کی جانب سے فراہم کئے گئے اعداد و شمار کے مطابق اتوار کو جموں و کشمیر میں کورونا وائرس سے 440افراد متاثر ہوئے ہیں جن میں جموں میں 276افراد جبکہ کشمیر میں 164افراد کی رپورٹیں مثبت آئی ہیں۔ کشمیر میں مثبت قرار دئے گئے 164افراد میں سرینگر میں 92، بارہمولہ میں 12، بڈگام میں 15، پلوامہ میں 5، کپوارہ میں 18، اننت ناگ میں 7، بانڈی پورہ میں 2،گاندربل میں6،کولگام میں 3 جبکہ شوپیان میں 4افراد متاثر ہوئے ہیں۔ کشمیر میں متاثرین کی مجموعی تعداد 2لاکھ 86ہزار 267ہوگئی ہے۔ اس دوران 32دنوں کے بعد وادی میں اموات کا سلسلہ تھم گیا ہے۔ وادی میں متوفین کی تعداد 2422بنی ہوئی ہے۔ جموں صوبے میں کورونا وائرس سے مزید 276افراد متاثر ہوئے ہیں جن میں 30بیرون ریاستوں سے سفر کرکے جموں پہنچے جبکہ دیگر 246افراد مقامی سطح پر رابطے میںآنے کی وجہ سے متاثر ہوئے ہیں۔ جموں صوبے کے 276افراد میں ضلع جموں میں 96، ادھمپور میں 16، راجوری میں8، ڈوڈہ میں 3، کٹھوعہ میں14، سانبہ میں 2، کشتواڑ میں 4، رام بن میں 36 جبکہ ریاسی میں 14افراد متاثر ہوئے ہیں۔ جموں صوبے میں متاچرین کی مجموعی تعداد 1لاکھ 64ہزار 504ہوگئی ہے۔ اس دوران جموں صوبے میں کورونا وائرس سے مزید ایک شخص کی جان گئی ہے۔ جموں صوبے میں متوفین کی مجموعی تعداد 2323ہوگئی ہے۔
ملک میں 45 ہزار نئے کیسز | ہلاکتیں 684
یو این آئی
نئی دہلی// ملک میں کورونا متاثرین کی مسلسل کم ہوتی ہوئی تعداد کے درمیان گزشتہ 24 گھنٹوں کے دوران ہلاکت خیز عالمی وبا کے تقریباً 45 ہزار نئے کیسز سامنے آئے ہیں، جب کہ اس کے مقابلے میں تقریباً ایک لاکھ 17 ہزار مریضوں نے جان لیوا وبا کو شکست دی ہے۔ہفتہ کے روز ملک میں 49,16,801 افراد کو کورونا سے بچاؤ کے ٹیکے لگائے گئے۔ اس کے ساتھ ہی اب تک 1,72,81,49,447 افراد کو ویکسین لگائی جا چکی ہیں۔ 24 گھنٹوں کے دوران کورونا کے 44,877 نئے کیسز درج ہوئے ہیں ، اس کے ساتھ ہی متاثرین کی مجموعی تعداد 4,26,31,421 تک پہنچ گئی ہے۔ کورونا سے 684 افراد جاں بحق بھی ہو ئے ہیں جس کے بعد مرنے والوں کی مجموعی تعداد 5,08,665 ہو گئی ہے۔
