واشنگٹن / ریو ڈی جنیرو / نئی دہلی// دنیا میں کورونا کا قہر تھمنے کا نام نہیں لے رہا ہے اور دنیا بھر میں اب تک 14.29 کروڑ سے زائد افراد اس وبا میں مبتلا ہوچکے ہیں جبکہ 30.44 لاکھ سے زیادہ لوگ اس وبا میں مبتلا ہوکر لقمہ اجل بن چکے ہیں۔
امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ تازہ ترین اعداد و شمار کے مطابق دنیا کے 192 ممالک اور خطوں میں متاثرہ افراد کی تعداد بڑھ کر 142964759 ہوگئی ہے جبکہ 3044475 افراد اپنی جانیں گنوا چکے ہیں۔
عالمی سپر پاور سمجھے جانے والے امریکہ میں کورونا وائرس کی تباہی رکنے کا نام نہیں لے رہی ہے اور یہاں متاثرہ افراد کی تعداد 3.17 کروڑ سے تجاوز کر چکی ہے جبکہ اس وبا کی وجہ سے 5.68 لاکھ مریض فوت ہوچکے ہیں۔
