روم//پوپ فرانسس نے ایک اور بڑی جنگ کا خدشہ ظاہر کر دیا۔ اٹلی میں امریکی فوجیوں کے قبرستان کا دورہ کرنے کے بعدپوپ فرانسس نے کہا کہ دنیا ایک بار پھر جنگ کے دہانے پر ہے جس سے بچنا انسانیت کے لئے انتہائی ضروری ہے ۔پوپ فرانسس نے اٹلی میں امریکی فوجیوں کے قبرستان کے دورہ کے موقع پر تقریب سے خطاب کرتے ہوئے کہا کہ دنیا ایک بار پھر جنگ کے دہانے پر ہے اور ہم تیزی سے ایک بڑی جنگ کی طرف بڑھتے دکھائی دے رہے ہیں۔انہوں نے کہا کہ ہمیں یاد رکھنا چاہیے جنگ عظیم دوئم میں لاکھوں افراد کی زندگیاں چلی گئی تھیں۔ پوپ فرانسس شمالی کوریا اور امریکہ کے تناؤ پر بھی لاکھوں جانوں کے ضیاع کی وارننگ دے چکے ہیں اور دونوں ملکوں کو بات چیت کے لئے میز پر آنے کی نصیحت بھی کرچکے ہیں۔پوپ نے یہ بھی کہا کہ جنگ سے کچھ بھی حاصل نہیں ہوگاا ور اس سے معصوم و بے گناہوں کی جانیں جائیں گی۔یو این آئی۔
دنیا ایک بار پھر جنگ کے دہانے پر : پوپ فرانسس
