سرینگر//دفعہ 370اور35اے کے حوالے سے پیدا شدہ صورتحال پر تشویش کااظہار کرتے ہوئے جموں وکشمیر مسلم پرسنل لاء بورڑ نے ایک قرار داد اپس کرکے ریاست کی آئینی تخصیص کے تحفظ کیلئے عوام کو متحد رہنے کی صلاح دی ہے ۔ایک بیان کے مطابق ریاست جموں و کشمیر مسلم پرسنل لاء بورڈ کا ایک اہم اجلاس مفتی اعظم جموں وکشمیر کی صدارت میں منعقد ہوا۔ اسمیں تمام ممبران جنمیں نائب مفتی اعظم مفتی محمد ناصر الاسلام ،پروفیسر محمد یٰسین کرمانی ،جرنل سیکرٹری مسلم پرسنل لاء بورڈ، پیرزادہ محمد امین شاہ ،معاوں سیکرٹری ،قاضی محمد امین ،سید محمد اسلم اندرابی، سید شریف الحق بخاری کریری، پیرزادہ محمد شفیع دلنہ صدر ضلع بارہمولہ، عبدالخالق حنیف حاجن کے علاوہ سیکریڑی غلام احمدگوجری ، شکیل احمد لون ، اشفاق احمدقادری بڈگام صدر یوتھ وینگ مسلم پوسنل لاء بورڈ،ڈاکٹر عبدالرحمان خادم زیارت شریف عشمقام،مرزا محمد شفیع زیارت شریف جناب صاحب صورہ، ایڈوکیٹ سیدغلام نبی میرصفاکدل،محمد نورانی نقشبندی ، مولوی ابوطاہر ہندوارہ،قاضی خورشید زرہامہ کپوارہ،سید محمد یوسف اندرابی بلال کالونی صورہ ،سابق .SSP سید شبیر گیلانی بانڈی پورہ، مولوی غلام نبی گلوسہ بالا کپواڑہ شامل ہیں ،نے شرکت کی۔ اور370 اور35(A) کے دفعات پر غور و خوض کرنے کے بعد ایک قرار داد پاس کی گئی۔اجلاس میں کہا گیا کہ دفعہ370 اور دفعہ35 (A) ایسے دفعات ہیںجو ہندوستانی آئین میںبرابر موجود ہیں اس ریاست کے خصوصی شخص کے ضامن اور ضمانت دئے رہے ہیں۔ اب اس وقت ان دفعات کو ختم کرنا مسلم اکثریتی وجود کو سرے سے نابود کرنا ہے۔ سپریم کورٹ میں جو دعویٰ دائر کیا گیا ہے۔ وہ اسی کی ایک سلسلہ وار نا کام کوشش ہے۔ اور سپریم کورٹ نے مرکزی حکومت کو جواب داخل کرنے کیلئے ایک نوٹس جاری کیا۔ یہ حقیقتاً ایک چلینج ہے۔اجلاس میں کہا گیا کہ قوم کو سوچھنے اور سمجھنے کا موقعہ فراہم کیا جارہا ہے کہ وہ متحد ہو کر ان دفعات370 اور35 (A) کے دفاع میں اُٹھ کھڑا ہو جائیں۔
دفعہ370 اور دفعہ35 اے کا دفاع واجب:مسلم پرسنل لاء بورڑ
