آرٹیکل نے علیحدگی پسندی کو جنم دیا، دہشت گردی کیلئے زیرو ٹالرنس: امیت شاہ
احمد آباد(گجرات) //مرکزی وزیر داخلہ امیت شاہ نے کہا کہ آرٹیکل 370 نے 2019 میں اس کے خاتمے تک علیحدگی پسندی اور دہشت گردی کو جنم دیا۔انہوں نے کہا “برسوں سے ہم آرٹیکل 370 کا اثرات برداشت کر رہے ہیں جس نے علیحدگی پسندی اور دہشت گردی کو جنم دیا‘‘۔انہوں نے کہا’’ 5 اگست 2019 کو مودی نے قلم کے ایک جھٹکے سے آرٹیکل 370 کا خاتمہ کیا‘‘۔نریندر مودی حکومت کی دہشت گردی کے خلاف زیرو ٹالرنس کی پالیسی پر بات کرتے ہوئے شاہ نے کہا، “سرجیکل اسٹرائیکس اور ہوائی حملوں سے، ہم نے ان لوگوں کو پیغام دیا جو ہماری سرحدوں سے گڑبڑ کرتے تھے کہ وہ ہماری دفاعی افواج کے خلاف کارروائی نہ کریں، بصورت دیگر، وہ نقصان اٹھائیں گے‘‘۔ انہوں نے کہا’’ہماری طرف سے سخت ردعمل، یہاں تک کہ ان کے گھروں میں بھی، دہشت گردی کے خلاف زیرو ٹالرنس نریندر مودی کی پالیسی ہے‘‘۔
انکا کہنا تھا کہ آزادی کے بعد، ملک سے محبت کرنے والوں کو برا لگا کہ اس کا ویژن اس وقت تک “بھارت مرکوز” نہیں تھا جب تک گجرات کے وزیر اعلی نریندر مودی وزیر اعظم نہیں بنے تھے۔”آزادی کے بعد، جو لوگ ملک سے محبت کرتے تھے اور اس کے بارے میں علم رکھتے تھے اور لفظ ‘بھارت’ کا احترام کرتے تھے، انہیں برا لگا کہ اگرچہ ملک آزاد ہے، لیکن اس کا نقطہ نظر بھارت پر مرکوز نہیں تھا بلکہ کسی اور چیز پر تھا۔ یہ بات کئی سالوں سے بہت سے لوگوں کے ذہنوں میں تھی،” ۔شاہ نے یہاںایک تقریب میں شرکت کرتے ہوئے کہا”بھارتیہ جنتا پارٹی کے تمام کارکنوں نے 1950 کے بعد سے اس وژن کو تبدیل کرنے کے لیے کام کرنا شروع کر دیا۔ ہماری پارٹی کی کئی نسلوں نے ایسا کرنے کی کوشش کی اور بہت سے لوگوں نے اپنی جانیں بھی گنوا دیں یہاں تک کہ وہ دن آیا جب گجرات کے وزیر اعلی ملک کے وزیر اعظم بنے اور پوری دنیا بھارت کی تعریف گا رہی ہے، “۔شاہ نے کہا کہ ملک اب موبائل فون بنانے والا سرفہرست ملک بننے کے راستے پر ہے، جب اسٹارٹ اپ اور قابل تجدید توانائی کی بات آتی ہے تو تیسرے نمبر پر ہے۔قابل تجدید توانائی کی پیداوار میں تیسرے نمبر پر ہیں اور جہاں تک سیکورٹی کا تعلق ہے، اب کوئی ہم پر شک نہیں کرتا،” ۔
