بارہمولہ // دیوان باغ بارہمولہ میں جمعہ کو اُس وقت کہرام مچ گیا جب مقامی لوگوں نے غرقاب ہوئے تین لڑکوں میں سے ایک اور نو عمر لڑکے کی لاش خانپورہ پُل کے نزدیک دریائے جہلم سے برآمد کی ۔ جبکہ تیسرے لڑکے کی تلاش جاری ہے ۔ معلوم ہوا ہے شاہد احمد شاہ ولد محمد سید شاہ کی لاش کو ایس ڈی آر ایف ،مارکوز اور پولیس کی ٹیموں نے خانپورہ پُل کے دریاے جہلم سے برآمد کیا ۔ شاہد احمد کی لاش جب اُن کے آبائی علاقے دیوان باغ پہچائی گئی تو وہاںایک بار پھر صف ماتم بچھ گئی ۔جس کے بعد شاہدکے نمازجنازہ میں لوگوں کی ایک خاصی تعداد نے شرکت کی جبکہ تیسرے لڑکے انظہر فاروق کی تلاش بڑے پیمانے پر جاری ہے۔یاد رہے کہ طفیل احمد کی لاش کو جمعرات کوشیری کے نزدیک دریائے جہلم سے برآمد کیا گیا تھا ۔واضح رہے کہ منگل کو خانپورہ پُل کے نزدیک ایک کشتی الٹ گئی تھی جس پر سوار پانچ نو عمرلڑکے ڈوب گئے تھے جن میں جنید احمد اور اذان احمد نامی دو لڑکوں کو بچایا گیا تھاجبکہ تین لڑکے جن میں ا نظہر فاروق ولد فاروق احمد ، طفیل رشیدولد عبدرشید شگو، شاہد احمد شاہ ولد محمد سعید شاہ ساکنان دیوان باغ غرقآب ہوئے تھے۔
دریائے جہلم میں غرقاب طالب علم کی لاش برآمد
