آج وزیر اعظم مودی کی موجودگی میں پرچہ نامزدگی داخل کریں گی
نئی دہلی//صدارتی انتخابات میں نیشنل ڈیموکریٹک الائنس (این ڈی اے ) کی امیدوار محترمہ دروپدی مرمو کا کل دوپہر دارالحکومت پہنچنے پر شاندار استقبال کیا گیا۔ہوائی اڈے پر دہلی ریاستی بی جے پی کے صدر آدیش گپتا، ممبران پارلیمنٹ منوج تیواری اور رمیش بدھوری کا پارٹی کے تمام رہنماؤں نے شاندار استقبال کیا مرموجمعہ کو وزیر اعظم نریندر مودی کی موجودگی میں اپنا پرچہ نامزدگی داخل کریں گی۔ اوڈیشہ کی رہنے والی محترمہ مرمو کو بیجو جنتا دل کی حمایت حاصل ہوئی ہے ۔
آندھرا پردیش میں حکمراں وائی ایس آر کانگریس نے بھی ان کی حمایت کا اشارہ دیا ہے ۔ محترمہ مرمو ملک کی پہلی قبائلی خاتون صدر بننے کی راہ پر گامزن ہیں، امید کی جا رہی ہے کہ انہیں کچھ دوسری پارٹیوں سے بھی حمایت ملے گی۔محترمہ مرمو کو بدھ کے روز سینٹرل ریزرو پولیس فورس (سی آر پی ایف) کے کمانڈوز کا زیڈ+ سیکورٹی کور فراہم کیا گیا تھا۔پرچہ نامزدگی داخل کرنے کے وقت وزیر اعظم نریندر مودی کے علاوہ بھارتیہ جنتا پارٹی کے کئی سینئر لیڈر اور این ڈی اے کے حلقوں کے لیڈر بھی محترمہ مرمو کے ساتھ موجود ہوں گے ۔محترمہ مرمو اپنا پرچہ نامزدگی داخل کرنے کے لیے 12.30 بجے راجیہ سبھا کے سکریٹری جنرل کے دفتر جائیں گی۔این ڈی اے کے امیدوار کو پہلے ہی بیجو جنتا دل کی حمایت حاصل ہے ۔ آندھرا پردیش میں حکمراں وائی ایس آر کانگریس نے بھی ان کی حمایت کا اشارہ دیا ہے ۔
بیجو جنتا دل نے محترمہ دروپدی مرمو کی حمایت میں اوڈیشہ حکومت کے دو وزراء کو بھیجا ہے جنہوں نے آج محترمہ مرمو کے کاغذات نامزدگی پر دستخط کیے ہیں۔ بی جے ڈی صدر اور اڈیشہ کے وزیر اعلی نوین پٹنائک کی ہدایت پر جگن ناتھ سرکا اور تکونی ساہو بھونیشور سے دہلی پہنچے اور بھارتیہ جنتا پارٹی (بی جے پی) کے رہنماؤں سے ملاقات کی۔ کل محترمہ مرمو کی نامزدگی کے وقت بی جے ڈی کے دونوں لیڈر بھی موجود رہیں گے ۔محترمہ مرمو ملک کی پہلی قبائلی خاتون صدر بننے کی راہ پر گامزن ہیں، امید کی جا رہی ہے کہ انہیں کچھ دوسری پارٹیوں سے بھی حمایت ملے گی۔
