جموں//ریاست کی خاتون اول اوشا ووہرا نے راجیو نگر جموں کے ایک سکول میں واسو دیوا کتمبکم ویلفیئر سوسائٹی کی طرف سے بچوں کے دِن کے سلسلے میں منعقدہ ایک پروگرام میں شرکت کی۔اس موقعہ پر بچوں نے رنگارنگ ثقافتی پروگرام بھی پیش کئے۔اوشا ووہرا ان ثقافتی پروگراموں اور بچوں کی دیگر کارکردگیوں سے کافی متاثر ہوئی ۔انہوں نے بچوں کو معیاری تعلیم سے روشناس کرانے کے لئے وی کے ڈبلیو ایس کی ستائش کی۔انہوں نے سوسائٹی کے کام کاج کی تعریف کرتے ہوئے گورنر کی طرف سے انہیں آنے والے پروجیکٹ کے لئے مالی تعاون دینے کی یقین دہانی کرائی۔انہوں نے وی کے ڈبلیو ایس کا سوئینر ’’سرجنگ سٹپس ‘‘ بھی جاری کیا ۔وی کے ڈبلیو ایس کی صدر وید کماری گھئے اور کئی دیگر شخصیات نے بھی اس موقعہ پر خطاب کیا۔
خاتون اوّ ل نے یوم اطفال طلاب کے ساتھ منایا
