عظمیٰ نیوز سروس
سرینگر// جموں و کشمیر حج کمیٹی نے حج 2025 کے تمام خواہشمند عازمین کو ہدایت کی ہے کہ وہ اپنے اصل بین الاقوامی پاسپورٹ کے ساتھ ایک پاسپورٹ سائز کی تصویر (سفید پس منظر کے ساتھ)اور دوسری قسط کی پے ان سلپ حج کمیٹی سری نگر کے بمنہ میں واقع حج ہاس میں جمع کرائیں۔ جموں و کشمیر اور لداخ کے تقریباً 13000 عازمین نجی ٹور آپریٹرز اور حج کمیٹی کے ذریعے حج ادا کریں گے۔ حج کمیٹی کی طرف سے جاری کردہ نوٹس کے مطابق سرینگر کے علاوہ دیگر اضلاع کے عازمین اپنے متعلقہ ڈپٹی کمشنر کے دفتر میں اپنے کاغذات جمع کر سکتے ہیں۔ جمع کرانے کی ونڈو 3 فروری 2025 سے 18 فروری 2025 تک کھلی رہے گی۔ حج کمیٹی نے تمام عازمین عازمین سے گزارش کی ہے کہ وہ دیے گئے شیڈول پر عمل کریں اور کسی بھی قسم کی تکلیف سے بچنے کے لیے اپنے کاغذات مقررہ وقت کے اندر جمع کرائیں۔مزید معلومات اور مدد کے لیے عازمین حج کو مشورہ دیا جاتا ہے کہ وہ جموں و کشمیر حج کمیٹی یا اپنے متعلقہ ڈپٹی کمشنر کے دفتر سے رابطہ کریں۔
