حج ہاؤس ’کورونا کیئر سنٹر‘میں تبدیل کئے جائیں گے:نقوی

 نئی دہلی// ملک کی مختلف ریاستوں میں واقع حج ہاؤس کو عارضی "کورونا کیئر سنٹر" کے طور پر ریاستی حکومتوں کو استعمال کرنے کے لئے دیئے جانے کا فیصلہ کیا گیا ہے ۔مرکزی وزیر برائے اقلیتی امور مختار عباس نقوی کی ہدایت پر ریاستی حج کمیٹیوں سے کہا گیا ہے کہ وہ اپنی متعلقہ ریاستوں میں واقع حج ہاؤس کو عارضی "کورونا کیئر سنٹر " کے طور پر استعمال کرنے دیں اور کورونا وائرس کے خلاف جنگ میں لوگوں کی صحت و سلامتی کے لئے ریاستی حکومتوں / انتظامیہ کا بھرپور تعاون کریں۔ان حج ہائوسز میںگجرات (احمد آباد)، کرناٹک (بنگلور)، کیرل (کالٹک)، دہلی (ترکمان گیٹ)، تلنگانہ (حیدرآباد)، مغربی بنگال (کولکاتہ)، مدھیہ پردیش (بھوپال)، اتر پردیش (لکھنؤ)، اتر پردیش (غازی آباد)، مہاراشٹر (ناگپور)،جموں وکشمیر (سرینگر)،  تمل ناڈو (چنئی)،  راجستھان (جے پور)،  بہار (پٹنہ)، جھارکھنڈ (رانچی) اور تریپورہ (اگرتلہ)شامل ہیں۔