سرینگر/ریاست کے گورنر ستیہ پال ملک نے منگل کو کہا کہ سوشل میڈیا پر گذشتہ کچھ دنوں سے جو 'سرکاری آرڈڑ' شیئر ہورہے ہیں وہ بے بنیاد ہیں۔
گورنر ملک نے ایس کے آئی سی سی سرینگر میں ایک تقریب کے حاشیئے پر نامہ نگاروں کو بتایا''حکومت کی طرف سے کوئی بھی آرڈر جاری نہیں کیا گیا ہے۔ یہ سب بے بنیاد آرڈر ہیں''۔
انہوں نے کہا کہ کشمیر میں افواہیں جنگل کے آ گ کی طرح پھیلتی ہیں۔
گورنر ملک کا کہنا تھا'' اگر لالچوک میں کوئی چھوٹا واقعہ پیش آتا ہے تو میں گورنر ہائوس میں سنتا ہوں کہ لالچوک میں دھماکہ ہوا ہے۔ کشمیر میں ایسے ہی افواہیں اُڑتی ہیں''۔
گورنر ملک نے عوام سے اپیل کی کہ وہ افواہوں پر کان نہ دھریں۔
ان کا مزید کہنا تھا''ریاست میں سب کچھ ٹھیک ٹھاک اور نارمل ہے''۔
