مشن صرف ایک پہل نہیں بلکہ تبدیلی کا موقع : امیتاوا چٹرجی
سرینگر//نوجوانوں کو بااختیار بنانے اور جموں و کشمیر حکومت کے اہم روزگار اقدام کے نفاذ کو مضبوط بنانے کی سمت ایک اہم قدم کے طور پر، مشن یووا، جے اینڈ کے بینک نے جموں و کشمیر میں اپنے تمام علاقوں میں “یووا اڑان” کے عنوان سے ایک مرکوز اور وقتی مہم کا آغاز کیا۔ مشن یووا کے تحت، جموں و کشمیر حکومت کا مقصد 137000کاروباری اداروں کو قائم کرنا ہے جس سے 425000بے روزگار نوجوانوں کے لیے روزگار کے مواقع پیدا ہوں گے۔ایم ڈی اور سی ای او امیتاوا چٹرجی نے کل بینک کے کارپوریٹ ہیڈکوارٹر میں 45 روزہ مہم کا باضابطہ آغاز کیا تاکہ مشن یووا کے پرنسپل مالیاتی پارٹنر کے طور پر بینک کے اہم کردار کو متحرک اور فعال بنایا جا سکے۔امیتاوا چٹرجی نے آپریشنل ٹیموں کو مشن کے موڈ میں مہم کو نافذ کرنے کی ہدایت کی ۔انہوں نے کہا، “اپنے 37 سال کے بینکنگ کے تجربے کے دوران، میں نے کوئی ایسا اقدام نہیں دیکھا جس میں کسی بھی حکومت کی جانب سے اس کی کامیابی کے لیے زمینی کام کرنے کے لیے اس طرح کی سنجیدہ مصروفیات اور سوچ سمجھ کر غور کیا گیا ہو۔ اس لحاظ سے میںجموں و کشمیر حکومت کے مشن YUVA کو صرف ایک پہل نہیں بلکہ J&K کے نوجوانوں کے لیے ایک تبدیلی کا موقع دیکھتا ہوں۔”انہوں نے مزید کہا ’’اس مہم میں ناکامی کی کوئی گنجائش نہیں ہے۔ ایک ذمہ دار اور جامع مالیاتی ادارے کے طور پر ہماری قیادت کی توثیق کرتے ہوئے، یہ مشن ذمہ دارانہ بینکنگ کے ذریعے مالی شمولیت کے علاوہ کاروباری اور خاص طور پر نوجوانوں کے لیے روزگار کی سہولت فراہم کرکے خطے کی اقتصادی ترقی میں بامعنی تعاون کرنے کے ہمارے وسیع وژن کے ساتھ بھی مطابقت رکھتا ہے۔لانچ تقریب سے خطاب کرتے ہوئے ایگزیکٹو ڈائریکٹر سدھیر گپتا نے تمام متعلقہ افراد پر زور دیا کہ وہ تمام اہداف کو حاصل کرتے ہوئے مہم کو کامیاب بنائیں اور مقدمات کی نگرانی اور پیروی کو یقینی بنائیں۔جموں و کشمیر کوآپریٹو سوسائیٹیز ڈیپارٹمنٹ نے ہولیسٹک کوآپریٹو ڈیولپمنٹ پروگرام پر ورکشاپ کا اہتمام کیا۔
