یو این آئی
نئی دہلی// رواں مالی سال میں ستمبر کے مہینے میں گڈز اینڈ سروسز ٹیکس (جی ایس ٹی) کی مجموعی آمدنی 1.73 لاکھ کروڑ روپے سے زیادہ رہی، جو گزشتہ مالی سال میں اسی مہینے کے تقریبا 1.63 لاکھ کروڑ روپے کی جی ایس ٹی آمدنی کے مقابلے میں 6.5 فیصد زیادہ ہے ۔منگل کو جی ایس ٹی ڈائریکٹوریٹ کی طرف سے جاری کردہ ماہانہ اعداد و شمار کے مطابق ستمبر 2024 میں ریفنڈ کے بعد جی ایس ٹی کی خالص آمدنی 152782 کروڑ روپے رہی ہے ، جو ستمبر 2023 میں 147098 کروڑ روپے کی خالص وصولی سے 3.9 فیصد زیادہ ہے ۔جی ایس ٹی کے اعداد و شمار کے مطابق ستمبر 2024 میں جی ایس ٹی کی مجموعی وصولی 173240 کروڑ روپے رہی، جو ستمبر 2023 کے 162712 کروڑ روپے سے 6.5 فیصد زیادہ ہے ۔ ستمبر میں جمع ہونے والی آمدنی میں سی جی ٹی 31422 کروڑ روپے ، ایس جی ایس ٹی 39283 کروڑ روپے ، آئی جی ایس ٹی 90594 کروڑ روپے شامل ہیں، جس میں درآمدات پر جمع کیے گئے 44507 کروڑ روپے بھی شامل ہیں۔ اس کے ساتھ جی ایس ٹی معاوضہ ٹیکس کے طور پر 11941 کروڑ روپے ، جس میں درآمدات پر جمع کیے گئے 883 کروڑ روپے بھی شامل ہیں۔
