سمت بھارگو
راجوری//جنرل آفیسر ان کمانڈنگ (جی او سی) وائٹ نائٹ کور کے طور پر چارج سنبھالنے کے ٹھیک ایک دن بعد، لیفٹیننٹ جنرل پی کے مشرا نے بدھ کو راجوری پونچھ سیکٹر کے علاقوں کا دورہ کیا اور سیکورٹی صورتحال کا جائزہ لیا۔منگل کو لیفٹیننٹ جنرل پی کے مشرا نے لیفٹیننٹ جنرل نوین سچدیوا کو فارغ کرتے ہوئے وائٹ نائٹ کور کے جنرل آفیسر ان کمانڈنگ (جی او سی) کا عہدہ سنبھال لیا تھا۔حکمت عملی کے لحاظ سے اس اہم ذمہ داری کا چارج سنبھالنے کے فوراً بعد، جنرل آفیسر ان کمانڈنگ (جی او سی) وائٹ نائٹ کور لیفٹیننٹ جنرل پی کے مشراجنرل آفیسر ان کمانڈنگ (جی او سی) کاؤنٹر انسرجنسی فورس (رومیو) کے ساتھ پالما، راجوری میں رومیو فورس کے ہیڈ کوارٹر کا دورہ کیا۔اس دورے کے دوران، کور کمانڈر نے انسداد بغاوت کی کوششوں پر توجہ مرکوز کرتے ہوئے خطے کی موجودہ سیکورٹی صورتحال کا جائزہ لیا۔فوج نے کہا کہ دورے کے دوران، جی او سی نے آپریشنل تیاریوں اور دہشت گردی کی سرگرمیوں سے نمٹنے کے لئے کئے گئے اقدامات کا جائزہ لیا۔جی او سی نے خطے میں امن اور استحکام کو برقرار رکھنے میں فوجیوں کی غیر متزلزل لگن اور بہادری کو بھی سراہا۔بعد ازاں انہوں نے فوج کے سابق فوجیوں سے ملاقات کی اور انسداد دہشت گردی کی جاری کارروائیوں میں سابق فوجیوں کی انمول شراکت اور ثابت قدم حمایت کے لیے دلی تعریف کا اظہار کیا۔
