عظمیٰ نیوز ڈیسک
حیدرآباد//مولانا آزاد نیشنل اردو یونیورسٹی، شعبۂ امتحانات کے جاری کردہ اعلامیہ کے بموجب شعبۂ نظم و نسق عامہ کے اسکالر جنید خان ولد رحمت علی خان کو پی ایچ ڈی کا اہل قرار دیاہے۔ انہوں نے ’’جموں و کشمیر میں شہری حکمرانی: سرینگر میونسپل کارپوریشن کا ایک مطالعہ‘‘ کے عنوان سے اپنا تحقیقی مقالہ،ڈاکٹر عبدالقیوم، ایسوسی ایٹ پروفیسرو سابق صدرِ شعبہ نظم ونسق عامہ، مانو کی نگرانی میں مکمل کیا۔ واضح رہے کہ جنید خان، مانو کے شعبۂ نظم و نسق عامہ میں بحیثیت اسسٹنٹ پروفیسر برسر خدمت ہیں۔ ان کا وائیوا 18؍ جولائی 2024 کو منعقد ہوا تھا۔
