سرینگر// پولیس نے جمعرات کو بتایا کہ جنوبی ضلع اننت ناگ کے بجبہاڑہ علاقے میں فورسز آپریشن کے دوران دو جنگجو جاں بحق ہوگئے ہیں ۔یہ فورسز آپریشن گذشتہ شام کنڈی پورہ گاوں میں شروع ہوا تھا جس کے دوران جنگجوﺅں اور فورسز کے مابین معرکہ آرائی کا آغاز ہوگیا۔
پولیس نے ٹویٹ کرتے ہوئے کنڈی پورہ بجبہاڑہ میں پہلے ایک اور بعد میں دو سرے جنگجو کے جاں بحق ہونے کی اطلاع فراہم کی۔
اطلاعات کے مطابق گذشتہ رات دیر گئے جب کنڈی پورہ میںطرفین میں گولیوں کا تبادلہ جاری تھا تو اندھیرا چھا جانے کے سبب فورسز نے آپریشن معطل کیا تاہم آج صبح سویرے سے طرفین میں پھر گولیوںکا تبادلہ شروع ہوا جس کے دوران پولیس کے مطابق دو جنگجو جاں بحق ہوگئے۔
پولیس نے جاں بحق جنگجو ﺅںکی شناخت نہیں کی ۔پولیس کے مطابق علاقے میں ابھی فورسزآپریشن جاری ہے۔
اس سے قبل گذشتہ شام پولیس اور فوج نے مشترکہ طور کنڈی پورہ کو محاصرے میں لیکر گھر گھر تلاشی آپریشن شروع کیا جس کے دوران جنگجوﺅں اور فورسز کا آمنا سامنا ہوا اور طرفین نے ایک دوسرے پر گولیاں چلائیں۔
