سرینگر//پولیس نے منگل کو کہا کہ جنوبی ضلع اننت ناگ کے وائلو ککر ناگ علاقے میں سیکورٹی فورسز اور جنگجوﺅں کے مابین معرکہ آرائی کے دوران تین جنگجو جاں بحق ہوگئے۔
پولیس نے ٹویٹ کرتے ہوئے پہلے ایک اور اس کے بعد مزید دو جنگجوﺅں کے جاں بحق ہونے کی اطلاع دی۔
اس سے قبل وائلو علاقے میں جنگجوﺅں اور فورسز کے مابین آج صبح اس وقت معرکہ شروع ہوگیا جب فورسز نے علاقے کو محاصرے میں لیکر تلاشی آپریشن شروع کیا۔ آپریشن کے دوران جنگجوﺅں اور فورسز کا آمنا سامنا ہوا اور طرفین نے ایک دوسرے پر گولیاں چلائیں۔
پولیس کے مطابق تصادم کے دوران تین جنگجوﺅں کو جاں بحق کیا گیا ہے اور تلاشی آپریشن جاری ہے۔
پولیس نے تاہم فوری طور پرمارے گئے جنگجوﺅں کی شناخت نہیں کی۔
