سرینگر//جنوبی ضلع اننت ناگ میں سنیچر کو ایک سڑک حادثے میں ایک شہری جاں بحق جبکہ دو زخمی ہوگئے۔ یہ حادثہ ضلع کے نانیل آکورہ علاقے میں پیش آیا۔
نیوز ایجنسی جی این ایس کے مطابق نانیل میں ایک موٹر سائیکل اور لوڈ کیریئر میں ٹکر کے نتیجے میں ایک شہری فوت جبکہ دو زخمی ہوگئے۔
مرنے والے کی شناخت غلام محمد پرے ولد غلام نبی پرے ساکن نانیل جبکہ زخمیوں کی شناخت عبدالرشید اور کمسن صادقہ کے طور ہوئی ہے۔
زخمی عبد الرشید کو فوری طور مٹن اسپتال منتقل کیا گیا۔
