پرویز احمد
سرینگر //جموں و کشمیر میں کورونا وائرس متاثرین کی تعداد میں اضافہ کا سلسلہ بدستور جاری ہے اور جمعرات کو ( 5ماہ) یعنی155دنوں کے بعد کورونا متاثرین کی تعداد 165تک پہنچ گئی ہے۔ پچھلے 24گھنٹوں کے دوران کورونا وائرس کی تشخیص کیلئے 10ہزار 860ٹیسٹ کئے گئے جن میں ایک مسافر سمیت 165افراد کی رپورٹیں مثبت آئی ہیں۔ اس دوران مسلسل 5ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4758بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر کے 7اضلاع میں کسی کی ررپورٹ مثبت نہیں آئی ہے جبکہ دیگر 13اضلاع میں 165افراد کو مثبت قرار دیا گیا ہے جن میں جموں صوبے میں112جبکہ دیگر 53افراد کشمیر میں متاثر ہوئے ہیں۔
کشمیر صوبے کے بڈگام، بانڈی پورہ ، کولگام اور شوپیان میں کسی کی رپورٹ مثبت نہیں آئی ہے جبکہ دیگر 6اضلاع میں 53افراد کو مثبت قرار دیا گیا ہے۔ کشمیر میں مثبت قرار دئے گئے 53افراد میںسرینگر میں43، بارہمولہ میں 1، پلوامہ میں 1، کپوارہ میں 1، اننت ناگ میں 2 جبکہ گاندربل میں 5افراد متاثر ہوئے ہیں۔ کشمیر میں متاثرین کی مجموعی تعداد 2لاکھ 88ہزار 551ہوگئی ہے۔ اس دوران وادی میں مسلسل 14ویں دن بھی کسی کی موت نہیں ہوئی ہے۔ متوفین کی مجموعی تعداد 2425بنی ہوئی ہے۔ جموں صوبے کے 3اضلاع جن میں ڈوڈہ، کشتواڑ اور پونچھ میں کسی کی رپورٹ مثبت نہیں آئی ہے جبکہ دیگر 7اضلاع میں 112افراد کو مثبت قرار دیا گیا ہے۔
جموں صوبے میں مثبت قرار دئے گئے 112افراد میں ایک بیرون ریاستوں سے سفر کرکے واپس لوٹا ہے جبکہ دیگر 111افراد مقامی سطح پر رابطے میں آنے کی وجہ سے متاثر ہوئے ہیں۔ جموں صوبے میں مثبت قرار دئے گئے 112افراد میں جموں ضلع میں سب سے زیادہ 92، ادھمپور میں7، راجوری میں ایک، کٹھوعہ میں 6، سانبہ میں 4، رام بن میں ایک جبکہ ریاسی میں ایک شخص کی رپورٹ مثبت آئی ہے۔ جموں صوبے میں متاثرین کی مجموعی تعداد 1لاکھ 67ہزار 905ہوگئی ہے۔ جموں صوبے میں مسلسل 5ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2333بنی ہوئی ہے۔
