عظمیٰ نیوز سروس
نئی دہلی// لوک سبھا نے پیر کو جموں کشمیر فارمیسی ترمیمی بل کو منظور کرلیا۔ اہل یا رجسٹرڈ افراد کو فارمیسی ایکٹ کے تحت فارماسسٹ کے طور پر رجسٹرڈ ہونے کی اجازت دی گئی ہے، اس طرح دونوں قانون سازی کے حوالے سے ابہام کو دور کیا گیا۔فارمیسی (ترمیمی) بل، 2023 کا آغاز کرتے ہوئے، وزیر صحت منسکھ منڈاویہ نے کہا کہ تبدیلیوں سے جموں و کشمیر کے نوجوانوں کے لیے روزگار کے مواقع بڑھیں گے۔بل، جسے ایوان زیریں میں صوتی ووٹ سے منظور کیا گیا، جموں و کشمیر فارمیسی ایکٹ کے تحت رجسٹرڈ یا اہل افراد کی حیثیت سے متعلق مسائل کو دور کرنے کی کوشش کرتا ہے۔موجودہ نظام کے تحت، ملک میں فارمیسی پریکٹس کرنے والے افراد کے لیے فارمیسی ایکٹ کے تحت رجسٹریشن لازمی ہے۔”کوئی بھی شخص جس کا نام جموں اور کشمیر فارمیسی ایکٹ، 2011 کے تحت رکھے گئے فارماسسٹ کے رجسٹر میں درج کیا گیا ہے، یا اس کے پاس اہلیت(میڈیکل اسسٹنٹ/فارماسسٹ)ہے اسے فارماسسٹ کے رجسٹر میں درج کیا گیا ،سمجھا جائے گا۔ فارمیسی ایکٹ 1948 کے تحت جو کوئی بھی جموں و کشمیر فارمیسی ایکٹ 2011 کے تحت بطور فارماسسٹ رجسٹرڈ ہے یا 2011 کے ایکٹ کے تحت مقرر کردہ اہلیت رکھتا ہے ، وہ فارمیسی کے تحت بطور فارماسسٹ پریکٹس کرنے کا اہل ہوگا۔ فارمیسی ایکٹ 1948 کو اس طرح رجسٹرڈ سمجھا جائے گا، یہ سہولت اس شخص پر لاگو ہوگی جو اس ترمیم کے نافذ ہونے کے ایک سال کے اندر اندر رجسٹریشن کے لیے درخواست جمع کروانے کے لیے مقررہ فیس کے ساتھ جمع کرائے گا۔ منڈاویہ نے کہا کہ جموں و کشمیر کے حالات اب بہتر ہوئے ہیں اور ان بہتر حالات میں یہ بل وہاں کے لوگوں کو ایک اور موقع فراہم کرتا ہے ۔
