عظمیٰ نیوزسروس
جموں//حکام نے اتوار کو مسلسل خراب موسمی حالات کے پیش نظرجموں ڈویژن کے تمام سرکاری اور پرائیویٹ اسکولوں کوآج یعنی یکم ستمبر کے لیے بند رکھنے کا حکم دیا ہے۔ڈائریکٹوریٹ آف اسکول ایجوکیشن جموں کی طرف سے جاری کردہ حکم نامے میں کہا گیا ہے کہ یہ فیصلہ پہاڑی علاقوں میں مسلسل بارشوں اور لینڈ سلائیڈنگ کے درمیان طلباء اور عملے کی حفاظت کو یقینی بنانے کے لیے کیا گیا ہے۔ڈائریکٹر سکول ایجوکیشن جموں ڈاکٹر نسیم جاوید چودھری کے دستخط شدہ حکم نامے میں کہا گیا ہے کہ ’’پہلے احکامات کے تسلسل میں اور پہاڑی علاقوں میں مسلسل بارشوں اور لینڈ سلائیڈنگ کو مدنظر رکھتے ہوئے، یہ حکم دیا جاتا ہے کہ جموں ڈویژن کے تمام سرکاری اور نجی اسکول یکم ستمبر(پیر) کو بند رہیں گے‘‘۔صورتحال پر گہری نظر رکھی جا رہی ہے اور موسمی حالات کا جائزہ لینے کے بعد سکول کھولنے کے حوالے سے مزید فیصلے کئے جائیں گے۔
