پرویز احمد
سرینگر //جموں و کشمیر بلڈنگ ودیگر کنسٹرکشن ورکرز ویلفیئر بورڈ نے تعمیراتی ورکروں کیلئے شروع کی گئی بہبودی سکیم کے تحت سال 2024میں 1.93لاکھ بچوں میں 94کروڑ 78لاکھ روپے تقسیم کئے ہیں۔ اس طرح سال -24 2023 میں مجموعی طور پر 213کروڑ 74لاکھ روپے مختلف معاونتی سکیموں کے تحت فراہم کئے گئے ہیں جن میں سے 200کروڑ 52لاکھ روپے تعلیمی سکالرشپ اور 13کروڑ روپے دیگر مالی معاونت والی سکیموں کے تحت فراہم کی گئی ۔ رجسٹرڈ کنسٹرکشن ورکروں کی مالی معاونت والی سکیموں کو مزید وسعت دیتے ہوئے تعمیراتی ورکروں کے بچوں کو معاونت دینے کیلئے مختلف اقدامات اٹھائے گئے ہیں جن میں بچوں کی سکالرشپ میں اضافہ کرنا بھی شامل ہے۔ بورڈ 1سے 5ویں جماعت تک کے بچوں کو 2500، 6سے 8 ویںجماعت کے بچوں کو 3500، 9سے 10ویں جماعت کے بچوں کو 4500، 11اور 12ویں جماعت کے بچوں کو 6ہزار،گریجویشن کیلئے 10ہزار روپے، آئی ٹی آئی کورسز کیلئے 10ہزار، پیرا میڈیکل کورسز کیلئے 10ہزار، مختلف شعبہ جات میں ماسٹرز کیلئے 15ہزار روپے، انجینئرنگ کورسز کیلئے 30ہزار روپے، میڈیکل کورسز کیلئے 50ہزار روپے فراہم کرتا ہے۔ سال 2024-25میں ان سکالرشپوں میں اضافہ کیا گیا اور اب پہلی سے 5ویں جماعت کیلئے 2800، 6سے 8ویں جماعت کیلئے 3800روپے، 9ویں اور 10ویں جماعت کیلئے 6ہزار روپے، 11ویں جماعت کیلئے 8ہزار روپے، 10ویں جماعت میں لڑکوں کیلئے 10ہزار اور لڑکیوں کیلئے 12ہزار، گریجویشن کے مختلف کورسز کیلئے لڑکوں کو 13ہزار اور لڑکیوں کو 15ہزار، آئی ٹی آئی کورسز کیلئے لڑکوں کو 15ہزار اور لڑکیوں کو 20ہزار روپے، مختلف ماسٹرز پروگراموں کیلئے لڑکوں کو 17ہزار 500اور لڑکیوں کو 20ہزار روپے، انجینئرنگ کورسز میں لڑکوں کو25ہزار اور لڑکیوں کو 28ہزار روپے، ایم بی بی ایس کیلئے لڑکوں کو 45ہزار اور لڑکیوں کو 48ہزار روپے جبکہ ایگریکلچر کے مختلف کورسز کیلئے لڑکوں کو 18ہزار 500 روپے جبکہ لڑکیوں کو 22ہزار روپے فراہم کئے جارہے ہی ۔ اس سے قبل بورڈ نے سال 2019-20میں 84کروڑ 26لاکھ روپے فراہم کئے تھے جبکہ سال 2021میں 159کروڑ 9لاکھ روپے، سال 2022میں 173کروڑ 9لاکھ روپے ، 2023میں 129کروڑ64لاکھ روپے جبکہ سال 2024میں 213کروڑ 73لاکھ روپے فراہم کئے گئے۔ سال 2023-24میں فراہم کئے گئے 213کروڑ روپے میں سے سال 2023میں 105کروڑ 74لاکھ روپے اورسال 2024میں 1.93لاکھ بچوں میں94کروڑ 78لاکھ روپے فراہم کئے گئے ہیں۔ اس کے علاوہ بورڈ نے 13کروڑ 21لاکھ روپے دیگر بہبودی سکیموں کے تحت فراہم کئے ہیں۔مذکورہ سکیموں کے علاوہ بھی بورڈ ایک ماہ تک گھر سے باہر کام کرنے والے ورکروں کو زخمی ہونے کی صورت میں 9330روپے، مکمل طور پر ناخیز ہونے کی صورت میں 4لاکھ 50ہزار روپے کی مالی معاونت اور جانلیوا بیماریوں کیلئے 1لاکھ 50ہزار روپے، قدرتی موت کیلئے 2لاکھ روپے، کام پر حادثہ آنے کی وجہ سے فوت ہونے پر 5لاکھ روپے، خود کیلئے یا 2بچوں کی شادی کیلئے 50ہزار روپے کی مالی معاونت ، خاتون ورکر کی زچگی کیلئے 5ہزار روپے اور 10اور 12ویں جماعت میں امتیازی پوزیشن حاصل کرنے والوں کو ایک دفعہ 50ہزار روپے مالیت کی خصوصی شکالر شپ دی جاتی ہے۔
