پرویز احمد
سرینگر //پچھلے 24گھنٹوں کے دوران جموں و کشمیر میںایک اور شخص کورونا وائرس سے متاثر ہوا ہے۔ اسطرح متاثر ہونے والے افراد کی مجموعی تعداد 13ہوگئی ہے۔ ان میں سے 9 معاملات سرگرم ہیں جبکہ 4متاثرین کے علامتوں میں بہتری کے بعد انہیں گھر روانہ کردیا گیا ہے۔ سرگرم معاملات میں 6کا تعلق جموں جبکہ3افراد کشمیر صوبے سے ہیں۔کشمیر کے تین متاثرین میں کیرالا کے 2طالبہ علم اور بانڈی پورہ سے تعلق رکھنے والی ایک عمر رسیدہ خاتون شامل ہے جبکہ جموں صوبے کے5متاثرین میں سے 2کا تعلق جموں، 2سانبہ اور ایک کٹھوعہ سے تعلق رکھتا ہے۔ اس سے قبل جموں صوبے میں متاثرین میں سے 2 کی علامتوں میں بہتری کے بعد گھروں میںصحتیاب قرار دئے گئے جبکہ دیگر 3متاثرین گھروں میں ہی قرنطین کئے گئے ہیں۔ اس دوران ملکی سطح پر کورونا وائرس کی نئی ہیت سے بدھ کو مزید 306افراد متاثرین ہوئے ہیں اور اس طرح ابتک مئی سے لیکر11جون تک 7121افراد متاثر ہوئے ہیں ۔ اس دوران پچھلے 24گھنٹوں کے دوران کورونا وائرس سے 6افراد کی موت ہوگئی ہے اور اسطرح تازہ لہر میں مرنے والوں کی تعداد 74تک پہنچ گئی ہے۔
