عظمیٰ نیوز سروس
سرینگر //قانون ساز اسمبلی کے عام اِنتخابات کے تیسرے اور آخری مرحلے میں 39.18لاکھ سے زیادہ رائے دہندگان 415اُمیدواروں کی قسمت کا فیصلہ کریں گے۔قانون ساز اسمبلی اِنتخابات 2024ء کے تیسرے مرحلے میں جموں و کشمیر کے7 اَضلاع کے 40 اَسمبلی حلقوں کا احاطہ کیا جائے گا۔اِن میں صوبہ کشمیر میں کپواڑہ ،بارہمولہ اور بانڈی پورہ جبکہ صوبہ جموں میں جموں ، اودھمپور ، کٹھوعہ اور سانبہ کے اضلاع شامل ہیں۔اِس مرحلے میں شمالی کشمیر کے حلقہ اِنتخاب بارہمولہ میں سب سے زیادہ 25 اُمیدوار میدان میں ہیں جبکہ جموں ضلع کے اسمبلی حلقہ اَکھنور میں صرف تین اُمیدواروں کے درمیان مقابلہ ہوگا۔صوبہ کشمیر کے16 اسمبلی حلقوں میں کرناہ، ترہگام، کپواڑہ،،لولاب، ہندواڑہ، لنگیٹ، سوپور، رفیع آباد، اُوڑی، بارہمولہ، گلمرگ، واگورہ۔کریری، پٹن، سوناواری، بانڈی پورہ اور گریز (ایس ٹی) شامل ہیں اور صوبہ جموںمیں 24 اَسمبلی حلقوں میں ادھمپور ویسٹ، اودھمپور ایسٹ، چنینی، رام نگر (ایس سی)، بنی، بلاور، بسوہلی، جسروٹہ، کٹھوعہ(ایس سی)، ہیرا نگر، رام گڈھ(ایس سی)، سانبہ،وِجے پورہ ،بشناہ ( ایس سی)، سچیت گڈھ ( ایس سی )آرایس پورہ ۔جموں ساوتھ، باہو، جموں ایسٹ، نگروٹہ، جموں ویسٹ، جموں نارتھ، مڑھ (ایس سی)، اکھنور (ایس سی) اور چھمب میں اِس مرحلے میں ووٹ ڈالے جائیں گے۔اِس مرحلے میں اِنتخابی فہرستوں کے مطابق 39,18,220 لاکھ رائے دہندگان اَپنا حق رائے دہی اِستعمال کرنے کے اہل ہیں جن میں 20,09,033 لاکھ مرد ، 19,09,130 لاکھ خواتین اور 57 خواجہ سراووٹرز شامل ہیں۔
اِنتخابات کے تیسرے مرحلے میں 18 سے 19 برس کی عمر کے 1.94 لاکھ نوجوان رائے دہندگان ووٹ ڈالنے کے اہل ہیں۔ 35,860 جسمانی طور خاص اَفراد (پی ڈبلیو ڈی ) اور 85 برس سے زیادہ عمر کے 32,953 رائے دہندگان بھی حصہ لیں گے۔ 40 اَسمبلی حلقوں میں صد فیصد ویب کاسٹنگ کے ساتھ 5,060 پولنگ سٹیشن قائم کئے ہیں۔ ان میں 974 شہری اور 4,086 دیہی پولنگ سٹیشن شامل ہیں۔ 7 اَضلاع میں 240 خصوصی پولنگ سٹیشن قائم کئے گئے ہیں جن میں خواتین کے زیر انتظام 50 ( پنک پولنگ سٹیشن)، 43 پولنگ سٹیشن جسمانی طور خاص اَفراد، 40 پولنگ سٹیشن نوجوانوں کے ذریعے چلائے جائیں گے۔ ماحولیات کے بارے میں پیغام پھیلانے کے لئے 45 گرین پولنگ سٹیشن اور 33 منفرد پولنگ سٹیشن ہوں گے۔ اس کے علاوہ 29 پولنگ سٹیشن ایل او سی اور آئی بی کے قریب رہائشیوں کے لئے قائم کئے گئے ہیں۔صوبہ کشمیر کے مائیگرنٹ رائے دہندگان کے لئے کُل 24 خصوصی پولنگ سٹیشن قائم کئے گئے ہیں جن میں جموں میں 19 ، دہلی میں 4 اور اودھمپور ضلع میں ایک خصوصی پولنگ سٹیشن شامل ہیں۔مجموعی طور پر 20,000 سے زیادہ پولنگ عملہ ڈیوٹی پر تعینات ہوگا۔ادھرشمالی کشمیر کے تین اضلاع میں مختلف فورسز کی 400 کمپنیوں کو تعینات کیا گیا ہے ۔ جموں ضلع میں 109، بارہمولہ ضلع میں 101، کپواڑہ ضلع میں 59، بانڈی پورہ ضلع میں 42، اودھمپور ضلع میں 37، کٹھوعہ ضلع میں 35 اور سانبہ ضلع میں 32 اُمیدوار میدان میں ہیں۔اسمبلی حلقہ اودھمپور ویسٹ میں 12 ، اودھمپور ایسٹ میں 9،چنینی میں 9 جبکہ رام نگر (ایس سی) میں 7 اُمیدوار میدان میں ہیں۔بنی میں 8 ،بلاور میں 4،بسوہلی میں 4،جسروٹہ میں 8،کٹھوعہ (ایس سی) میں 5 جبکہ ہیرا نگرمیں 6 اُمیدوار الیکشن لڑ رہے ہیں ۔رام گڈھ (ایس سی) میں 7 ،سانبہ میں 14 جبکہ وِجے پور میں 11 اُمیدوار میدان میں ہیں۔بشناہ (ایس سی) میں 9 اُمیدوار ، سچیت گڈھ (ایس سی) میں 11،آر ایس پورہ۔جموں ساوتھ میں 14،بہو میں 12، جموں ایسٹ میں 9،نگروٹہ میں 8،جموں ویسٹ میں 12، جموں نارتھ میں 17،مڑھ (ایس سی)میں 6،اکھنور (ایس سی) میں 3 جبکہ چھمب میں 8 اُمیدوار الیکشن لڑ رہے ہیں۔صوبہ کشمیر کے کپواڑہ ضلع میں اسمبلی حلقہ کرناہ میں 8 اُمیدوار ،ترہگام میں 10،کپواڑہ میں 8،لولاب میں 11، ہندواڑہ میں 7 جبکہ لنگیٹ میں 15 اُمیدوار میدان میں ہیں۔ سوپور میں 20 اُمیدوار ،رفیع آباد میں 12،اوڑی میں 6،بارہمولہ میں 25،گلمرگ میں 13،واگورا۔ کریری میں 12 جبکہ پٹن میں 13 اُمیدوار الیکشن لڑ رہے ہیں۔سوناواری میں 18 ، بانڈی پورہ میں 19جبکہ گریز (ایس ٹی) میں 5 اُمیدوار میدان میں ہیں۔
