عظمیٰ نیوزسروس
جموں//جموں توی گالف کورس، سدھرا نے 01-06-2025 کو خواتین میں مسابقتی جذبہ بیدار کرنے کے لیے ’ویمن پوٹنگ کمپیٹیشن‘ کا انعقاد کیا۔ بہت سی خواتین کھلاڑیوں نے بڑے جوش اور جذبے کے ساتھ مقابلے میں حصہ لیا۔ انکیتا سیٹھی نے کچھ عمدہ مہارت کا مظاہرہ کیا اور ٹرافی اپنے نام کی جبکہ منال گل رنر اپ رہیں۔ تیسرا نمبر ڈاکٹر شفیقہ بانو نے حاصل کیا۔ پرتیما شرما، ممتا کپاہی، میگھا کپاہی، ڈاکٹر دیپیکا سروج، عائزہ کوہلی، دکشا ٹھاکر، انکیتا سیٹھی، ملیکا بصیرا، ڈاکٹر شفیقہ بانو، گل ای سخراب، گلہ سخن، دیویکا شرما اور پلوی گپتا نے مقابلے میں حصہ لیا۔ انسویا جموال ایڈیشنل ڈپٹی کمشنر جموں مہمان خصوصی تھیں۔ انہوں نے کہا کہ مقابلہ منعقد کرنا خواتین کھلاڑیوں کو گولف کی طرف راغب کرنے اور جموں و کشمیر میں ٹیلنٹ کو پروان چڑھانے کا ایک اختراعی طریقہ ہے۔ اس کے علاوہ سیکریٹری، جموں توی گالف کورس، پرمناوگپتا اس موقع پر بھی موجود تھے اور انہوں نے کہا کہ جموں میں گالف کو مقبول بنانے کے لیے کئی اقدامات شروع کیے گئے ہیں اور اس طرح کی تقریبات باقاعدگی سے منعقد کی جائیں گی۔ انہوں نے مزید بتایا کہ گالف ایک ایسا کھیل بن سکتا ہے جہاں خواتین اور لڑکیوں کو حصہ لینے کے لیے حوصلہ افزائی کی جاتی ہے ۔
