جموں// جموں ضلع کے ارنیہ سیکٹر میں بین الاقوامی سرحد پر پیر کی صبح بارڈر سیکورٹی فورسز (بی ایس ایف) اہلکاروں نے فضا میں اڑنے والی کسی چیز پر گولیاں چلائیں۔
سرکاری ذرائع نے بتایا کہ بی ایس ایف اہلکاروں نے قریب ساڑھے پانچ بجے ارنیہ سیکٹر میں بین الاقوامی سرحد پر فضا میں چمکتی ہوئی سرخ و زرد روشنی دیکھی۔
انہوں نے کہا کہ بی ایس اہلکاروں نے اس روشنی کی طرف گولیاں چلائیں جس کے بعد وہ پاکستان کی طرف چلی گئی۔
ان کا مزید کہنا تھا کہ اس واقعے کے بعد علاقے میں تلاشی آپریشن شروع کر دیا گیا۔
یاد رہے کہ جموں ایئر سٹیشن پر 27 جون کو ہوئے ڈرون حملے کے بعد علاقے میں ڈرونز کی سرگرمیوں میں اضافہ درج ہو رہا ہے اور لگ بھگ آئے روز مشتبہ ڈرونز کو پرواز کرتے ہوئے دیکھا جا رہا ہے۔
یونین ٹریٹری میں ڈرونز کے بڑھتے ہوئے خطرات کے پیش نظر حکومت نے لائن آف کنٹرول اور بین الاقوامی سرحد پر 'اینٹی ڈرون' سسٹم نصب کرنے کا کام شروع کیا ہے۔
