سرینگر/دائیں بازو کی تنظیم بجرنگ دل نے جمعہ کو جموں میں پی ڈی پی کے ایم ایل سی فردوس ٹاک پر حملہ کرنے اور اُنہیں پیٹنے کی کوشش کی۔
بجرنگ دل کے کئی کارکنوں نے نعرے بازی کرتے ہوئے اُس وقت ٹاک پر حملہ کرنے کی کوشش جب وہ جموں پریس کلب کی طرف جارہے تھے جہاں اُنہیں ایک پریس کانفرنس کا پروگرام تھا۔
تاہم ٹاک کی حفاظت پر مامور پولیس اہلکاروں نے اُنہیں بحفاظت پریس کلب کے اندر پہنچایا۔
بجرنگ دل سے وابستہ مظاہرین کا الزام تھا کہ ٹاک نے مبینہ طورکوئی جموں مخالف بیان دیا ہے۔
